ఆ హీరోతో కియారా సహజీవనం!

ముంబై భామ కియారా అద్వానీ తెలుగులో మహేష్ బాబు, రామ్ చరణ్ లాంటి స్టార్ హీరోలతో కలిసి నటించింది. అయితే ఈ మధ్యకాలంలో ఆమెకి బాలీవుడ్ అవకాశాలు పెరగడంతో ముంబైలోనే ఉంటుంది. ప్రస్తుతం ఆమె తెలుగు సినిమాలు అంగీకరించడం లేదు. తన దృష్టి మొత్తం బాలీవుడ్ సినిమాలపైనే పెట్టింది. ఇదిలా ఉండగా.. చాలా కాలంగా ఈ బ్యూటీ బాలీవుడ్ హీరో సిద్ధార్థ్ మల్హోత్రాతో డేటింగ్ చేస్తుందంటూ వార్తలు వస్తున్నాయి.

ఇద్దరూ కలిసి పార్టీలకు వెళ్లడం, ట్రిప్ లకు వెళ్లడంతో మీడియా వర్గాల్లో వీరి ప్రేమకు సంబంధించిన వార్తలు ఎక్కువగా వినిపించాయి. అయితే ఇప్పుడు వీరిద్దరూ కలిసి సహజీవనం చేస్తున్నారని బాలీవుడ్ మీడియా వర్గాల ద్వారా తెలుస్తోంది. రీసెంట్ గా కియారా.. సిద్ధార్థ్ మల్హోత్రా ఇంటికి షిఫ్ట్ అయినట్లు సమాచారం. ప్రస్తుతం ఇద్దరూ కలిసి ఒకే ఇంట్లో ఉంటున్నట్లు తెలుస్తోంది. హీరో సిద్ధార్థ్ మల్హోత్రా గతంలో అలియా భట్ తో డేటింగ్ చేశారు.

కానీ కొన్నాళ్లకు ఈ జంట విడిపోయింది. ఆ తరువాత సిద్ధార్థ్ కెరీర్ అంతంత మాత్రంగా ఉంటోంది. ఇప్పుడిప్పుడే అతడికి మంచి అవకాశాలు వస్తున్నారు. ప్రస్తుతం ఈ హీరో తన గర్ల్ ఫ్రెండ్ కియారాతో కలిసి ‘షేర్షా’ అనే సినిమాలో నటిస్తున్నాడు. కార్గిల్ యుద్ధంలో దేశం కోసం తన ప్రాణాలను అర్పించిన విక్రమ్ బత్రా జీవితం ఆధారంగా ఈ సినిమాను రూపొందిస్తున్నారు. విష్ణు వర్ధన్ డైరెక్ట్ చేస్తోన్న ఈ సినిమాను ధర్మ ప్రొడక్షన్స్ బ్యానర్ పై కరణ్ జోహార్ నిర్మిస్తున్నారు.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!