Hanuman Movie: ‘హనుమాన్’లో ఛాన్స్ కొట్టేసిన కుర్ర హీరో!

June 16, 2021 / 06:43 PM ISTByFilmy Focus

Join Us

Hanuman Movie: ‘హనుమాన్’లో ఛాన్స్ కొట్టేసిన కుర్ర హీరో!

టాలీవుడ్ లో సరికొత్త కథలతో సినిమాలను తెరకెక్కించిన దర్శకుడిగా మంచి గుర్తింపుని సంపాదించుకున్నాడు ప్రశాంత్ వర్మ. నేచురల్ స్టార్ నాని నిర్మించిన ‘అ’ అనే సినిమాతో ప్రశాంత్ వర్మ దర్శకుడిగా పరిచయమయ్యాడు. ఈ సినిమా మంచి టాక్ ను సొంతం చేసుకుంది. దర్శకుడిగా ప్రశాంత్ వర్మ విమర్శకుల ప్రశంసలు అందుకున్నాడు. ఈ సినిమా తర్వాత రాజశేఖర్ తో ‘కల్కి’ అనే సినిమా చేశాడు. ఆ తర్వాత మరో సరికొత్త జోనర్ లో ‘జాంబీ రెడ్డి’ సినిమాను ప్రేక్షకుల ముందుకు తీసుకువచ్చాడు.

తేజ సజ్జా హీరోగా నటించిన ఈ సినిమాకి మంచి రెస్పాన్స్ వచ్చింది. ఇప్పుడు మరో డిఫరెంట్ కాన్సెప్ట్ తో సినిమా చేస్తున్నాడు ప్రశాంత్ వర్మ. తెలుగులో మొదటిసారి సూపర్ హీరో కాన్సెప్ట్ తో సినిమా చేయబోతున్నాడు. ఆ సినిమాకి ‘హనుమాన్’ అనే టైటిల్ పెడుతూ ఓ చిన్న టీజర్ కూడా రిలీజ్ చేశాడు. అయితే ఇందులో హీరో ఎవరనేది మాత్రం చెప్పలేదు. తాజాగా ప్రశాంత్ వర్మ తన హీరోని ఫైనల్ చేశాడని సమాచారం.

‘జాంబీ రెడ్డి’ సినిమాలో నటించిన తేజ సజ్జాను మరోసారి తన హీరోగా తీసుకోవాలనుకుంటున్నాడు ప్రశాంత్ వర్మ. చైల్డ్ ఆర్టిస్ట్ గా కెరీర్ మొదలుపెట్టిన తేజ ఈ మధ్యనే హీరోగా మారాడు. ఈ క్రమంలో పలు సినిమాలను లైన్లో పెడుతున్నాడు. ఇప్పుడు ‘హనుమాన్’ సినిమాలో అతడు సూపర్ హీరోగా కనిపిస్తాడని టాక్.