నాని హీరోగా నటించిన లేటెస్ట్ మూవీ ‘టక్ జగదీష్’.. మరికొద్ది గంటల్లో అమెజాన్ ప్రైమ్ లో స్ట్రీమ్ కాబోతుంది. ‘షైన్ స్క్రీన్స్’ బ్యానర్ పై సాహు గారపాటి, హరీష్ పెద్ది లు సంయుక్తంగా నిర్మించిన ఈ చిత్రాన్ని శివ నిర్వాణ దర్శకత్వం వహించాడు. రీతూ వర్మ హీరోయిన్ గా నటించిన ఈ చిత్రంలో ఐశ్వర్య రాజేష్ నాని మేనకోడలు పాత్రని పోషించింది. వినాయక్ చవితికి అందరూ ఫ్యామిలీతో చూడదగ్గ మూవీ ఇదని నాని చెప్పుకొచ్చాడు. తాను ఈ చిత్రం ప్రమోషన్లలో భాగంగా మాట్లాడుతూ ఆసక్తికరమైన విషయాలను చెప్పుకొచ్చాడు.
గతేడాది నాని హీరోగా నటించిన ‘వి’ చిత్రం కూడా అమెజాన్ ప్రైమ్లోనే రిలీజ్ అయ్యింది. ఈ చిత్రం ఫలితం గురించి కూడా నాని ప్రస్తావించాడు. నాని మాట్లాడుతూ.. ‘అందరూ ‘వి’ సినిమా ఆడలేదు అంటున్నారు. అది ఓటిటిలో రిలీజ్ అయ్యింది. అయితే ఆ మూవీ ఫలితం గురించి అందరికీ ఓ విషయం చెప్పాలనుకుంటున్నాను. దిల్ రాజు గారి బ్యానర్లో నేను చేసిన ఎం.సి.ఎ చిత్రానికి రివ్యూలు బాగా రాలేదు. రిలీజ్ రోజున దానికి బ్యాడ్ టాక్ వచ్చింది. కానీ కెరీర్లోనే అది కమర్షియల్ గా బిగ్గెస్ట్ హిట్. చాలా బాగా కలెక్ట్ చేసింది.
అది మీకే తెలుసు. దానిని ప్లాప్ అనే వాళ్ళు లేరు కదా..! ‘వి’ సినిమాకి కూడా అలాంటి రివ్యూలే వచ్చాయి. కానీ అమెజాన్ ప్రైమ్లో ఎక్కువ మంది చూసారు.అమెజాన్ వారు కూడా 4 రోజుల్లోనే వాళ్ళు అనుకున్న దానికంటే కూడా ఎక్కువ ఔట్పుట్ వచ్చిందని మాకు చెప్పారు. కానీ ‘ఎం.సి.ఎ’ హిట్ అని చెప్పడానికి ఉన్న ప్రూఫ్స్ ‘వి’ గురించి చెప్పడానికి లేవు. కానీ ‘వి’ మూవీ కూడా నిర్మాత దిల్ రాజుగారికి కానీ అమెజాన్ వారికి కానీ మంచి లాభాలను అందించింది. అలాంటి ‘వి’ గురించి బాగా ఆడలేదు అంటే నేను ఏం చెప్పాలి’ అంటూ నాని చెప్పుకొచ్చాడు.
Most Recommended Video
బిగ్ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
