Hero Nani: వరుసగా ఓటీటీ సినిమాలు అంటే కష్టమే నాని!

థియేటర్లలో విడుదల కోసం రెడీ అయ్యి… కరోనా పరిస్థితుల కారణంగా ఓటీటీల్లో వచ్చిన సినిమాల జాబితా అంటే ‘వి’తోనే ప్రారంభించాలి. తొలి వేవ్‌ సమయంలో ఆ సినిమాను దిల్‌ రాజు థియేటర్లకు కాకుండా ఓటీటీకి ఇచ్చేశారు. అయితే సినిమాను ఆశించినంత పేరు రాలేదు. నిర్మాత విషయం పక్కనపెడితే నాని బాగా బాధపడిన సినిమా ఫలితాల్లో అదొకటి అంటారు. దాంతో ఒకానొక దశలో ఓటీటీ విడుదల అంటేనే నాని భయపడుతున్నాడని వార్తలొచ్చాయి. అయితే నాని కొత్త సినిమా ఓటీటీకి వెళ్తోంది అనేది తాజా వార్త. దీంతో నాని పరిస్థితి ఆసక్తికరరమై చర్చ సోషల్‌ మీడియాలో నడుస్తోంది.

నానిని అభిమానులు ‘నేచురల్‌ స్టార్‌’ అని పిలుచుకుంటుంటారు. అయితే నాని సినిమాల వరుస ఇలానే కొనసాగితే ‘నేచురల్‌ స్టార్‌ కాస్త… ఓటీటీ స్టార్‌ అయిపోతాడేమో’ అనేది సోషల్‌ మీడియా చర్చ సారాంశం. నాని సినిమాల్లో విడుదల సిద్ధంగా ఉన్ సినిమా ‘టక్‌ జగదీష్‌’. సినిమా రిలీజ్‌ చేసేద్దాం అని ప్రమోషన్స్‌ కూడా కిక్‌స్టార్ట్‌ చేశారు. ఆ తర్వాత మాయదారి కరోనా దెబ్బేసింది. అప్పటి నుండి ఓటీటీ నామజపం జరుగుతూనే ఉంది. తాజాగా ‘నిర్మాత ఇష్టం’ అంటూ నాని ఓ లెటర్‌ రిలీజ్‌ చేశాడు. దాంతో ఆ సినిమా ఓటీటీ పక్కా అంటున్నారు.

అయితే నాని మరో సినిమా ‘శ్యామ్‌ సింగరాయ్‌’కి ఓటీటీ నుండి మంచి ఆఫర్‌ వచ్చిందంటూ వార్తలు చక్కర్లు కొడుతున్నాయి. రూమర్స్‌ ప్రకారం చూస్తే… సినిమాకు ₹40 కోట్ల నుండి ₹45 కోట్లు వరకు ఇవ్వడానికి ముందుకొస్తున్నారట. డీల్‌ బాగున్నప్పటికీ… ఇలా సినిమాలు వరుసగా ఓటీటీకి ఇస్తూ పోతే… నానిని ‘ఓటీటీ స్టార్‌’ అని అనేస్తారేమో అని అభిమానులు అనుకుంటున్నారు. అలా అంటే తప్పు లేదు కానీ… అప్పుడు అందరివాడైన నాని కొందరివాడుగా మారిపోతాడేమో.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!