సహజంగా ఆడియో ఫంక్షన్స్ లో మన హీరోలు చేస్తున్న కొమెంట్స్ పెద్దగా కలసి రావడంలేదు. అప్పుడెప్పుడో ఆలీ అనుష్క అందాన్ని వ్యంగ్యంగా వర్ణిస్తూ ఆమె తోడలపై కాస్త ఘాటైన వ్యాఖ్యలు చేయడంతో అప్పట్లో ఈ విషయం పెద్ద దుమారాన్నే రేపింది. అయితే ఆ వ్యవహారం సర్ధు మనుగుతుంది అని అనుకునే లోపే నట సింహం నందమూరి బాలకృష్ణ నారా రోహిత్ సావిత్రి ఆడియో వేడుకలో హీరో క్యారెక్టర్ ను వివరిస్తూ ఆడవారిపై చేసిన కామెంట్స్ ఆయన కొంప ముంచే అంత పని చేశాయి. ఆ మాటలు వెనక్కి తీసుకుని చివరకు బాలయ్య అస్సెంబ్లీ సాక్షిగా క్షమాపణలు కూడా చెప్పారు. ఇదిలా ఉంటే మన ప్రేక్షక దేవుళ్ళు ఆ వార్తలు మరచిపోతున్నారులే అని అనుకుంటున్నారో లేదో, నిన్న జరిగిన సుప్రీమ్ ఆడియో వేడుకలో న్యాచురల్ స్టార్ నాని ఆ సినిమాలోని హీరోయిన్ రాశి ఖన్నాపై చేసిన కొన్ని సంచలన కామెంట్స్ ఇప్పుడు హాట్ హాట్ గా మారాయి. ఈ ఫంక్షన్ కు అతిథిగా వచ్చిన నాని ఈ సినిమా గురించి మాట్లాడుతూ తాను నిన్ననే ఈ సినిమా లోని సాయి ధరమ్ తేజ్ రాశి ఖన్నాలు నటించిన ఒకనాటి చిరంజీవి ‘సుప్రీమ్ హీరో’ పాట రీమిక్స్ సాంగ్ చూశానని వెంటనే అనందం తట్టుకోలేక ఈల వేద్దామని అని అనిపించింది అంటూ ప్రశంసలు కురిపించాడు. అంతేకాకుండా ఈ పాటలో రాశి ఖన్నా గ్లామర్ తో పాటు ఆమె అందమైన నడుముని చూసిన వారు ఎవరైనా వెంటనే ఈలలు వేస్తారు అనేసరికి ఆ ఆడియో వేడుకకు వచ్చిన వారంతా నవ్వుల్లో మునిగిపోగా, ఇక ఆ నవ్వుల్లో రాశి తెగ సిగ్గు పడిపోయింది. మరి అసలే కరియర్ లో ఒక్కొక్క మెట్టు ఎక్కుకుంటూ వస్తున్న నాని ఇలా మాట్లాడితే విమర్శల పాలైపోడు…..నాని బాబు కాస్త జాగ్రత్త నాయనా!!!
