నిఖిల్ ఇంట్లో విషాదం.. ఆయన తండ్రి మృతి..!

April 28, 2022 / 03:41 PM ISTByFilmy Focus

Join Us

నిఖిల్ ఇంట్లో విషాదం.. ఆయన తండ్రి మృతి..!

హీరో నిఖిల్ ఇంట్లో విషాదం చోటు చేసుకుంది. నిఖిల్ తండ్రి కావలి శ్యామ్ సిద్దార్థ్ గారు కొద్దిసేపటి క్రితం కన్ను మూశారు. కొన్నేళ్లుగా ఆయన అనారోగ్యంతో బాధపడుతున్నారు.2020 కి ముందు నుండి నిఖిల్ నాన్న గారి ఆరోగ్యం క్షీణించినట్టు తెలుస్తుంది. తీవ్రమైన డయాబెటిస్ తో ఆయన బాధపడుతూ వచ్చారు. సికింద్రాబాద్ లో ఉన్న కిమ్స్ ఆసుపత్రిలో ఆయన చాలా కాలం నుండి చికిత్స పొందుతూ వస్తున్నారు. అయితే ఈ మధ్య పరిస్థితి విషమించింది.

అందుకే ఇలా ఆయన కాలం చేసినట్లు తెలుస్తుంది. శ్యామ్ సిద్దార్థ్ గారి ఆరోగ్యం బాగోక పోవడం వల్ల హుటాహుటిన 2020 లో లాక్ డౌన్ ఉన్నప్పటికీ నిఖిల్ పెళ్లి చేసినట్లు అప్పట్లో వార్తలు వచ్చాయి. నిఖిల్ కు వాళ్ళ నాన్నగారు అంటే చాలా ఇష్టం. వాళ్ళు నాన్నగారు లేరు అనే వార్తను అతను జీర్ణించుకోలేక కుమిలిపోతున్నాడు అని తెలుస్తుంది. నిఖిల్ కు సినీ పరిశ్రమలో ఉన్న కొంతమంది స్నేహితులు నిఖిల్ ను పరామర్శించడానికి వెళ్ళారు.

ఇక నిఖిల్ విషయానికి వస్తే అసిస్టెంట్ డైరెక్టర్ గా కెరీర్ ను మొదలుపెట్టిన అతను.. కెరీర్ ప్రారంభంలో ‘సంబరం’ వంటి సినిమాల్లో చిన్న చిన్న పాత్రలు పోషించాడు. అయితే శేఖర్ కమ్ముల దర్శకత్వంలో చేసిన ‘హ్యాపీ డేస్’ చిత్రం ఇతనికి మంచి క్రేజ్ ఏర్పడేలా చేసింది. ఆ తర్వాత నిఖిల్ పలు హిట్ సినిమాల్లో నటించి క్రేజీ హీరోగా ఎదిగాడు. ప్రస్తుతం అతను ’18 పేజెస్’ ‘కార్తికేయ2’ వంటి చిత్రాల్లో నటిస్తూ బిజీగా గడుపుతున్నాడు.