Nikhil: మరో సీక్వెల్‌కి రెడీ అవుతున్న నిఖిల్‌.. ఈసారి పాన్‌ ఇండియా లెవల్‌లో?

July 14, 2023 / 03:59 PM ISTByFilmy Focus

Join Us

Nikhil: మరో సీక్వెల్‌కి రెడీ అవుతున్న నిఖిల్‌.. ఈసారి పాన్‌ ఇండియా లెవల్‌లో?

సీక్వెల్స్‌, పార్టు 2 సినిమాలు తీస్తే.. టాలీవుడ్‌లో విజయాలు అందుకోవడం అంత ఈజీ కాదు అనేవారు. గతంలో ఇలా వచ్చిన సినిమా హైప్‌, బజ్‌ తెచ్చుకున్నాయి కానీ వసూళ్లు సంపాదించలేదు. అయితే నిఖిల్‌కి మాత్రం ఈ సినిమాలే బాగా క్లిక్‌ అవుతుంటాయి. మరోవైపు టాలీవుడ్‌లో గత కొంతకాలంగా సీక్వెల్స్ ట్రెండ్ నడుస్తోంది. ఈ నేపథ్యంలో నిఖిల్‌ మరో సినిమాకు సీక్వెల్‌ తీసే ఆలోచనలో ఉన్నాడు అని అంటున్నారు. అది కూడా ఎవరూ ఊహించని సినిమాకు సీక్వెల్‌ అని అంటున్నారు.

నిఖిల్‌ సినిమాల్లో డిఫరెంట్‌గా అనిపించే కాన్సెప్ట్‌ ‘ఎక్కడికి పోతావు చిన్నవాడా’. ఇప్పుడు ఈ సినిమాకే సీక్వెల్‌ తీయడానికి ప్లాన్స్‌ చేస్తున్నారట. వి. ఐ.ఆనంద్ దర్శకత్వంలో నిఖిల్ నటించిన సినిమా ‘ఎక్కడికి పోతావు చిన్నవాడా’. నిఖిల్ సరసన అవికా గోర్, హెబ్బా పటేల్, నందిత శ్వేత నటించారు. 2016 ఆఖరులో వచ్చిన ఈ సినిమా బాక్సాఫీస్ దగ్గర రూ.30 కోట్ల వరకు వసూలు చేసింది అని అంటారు. ఇప్పుడు ఈ సినిమాకి సీక్వెల్ రూపొందించేందుకు సన్నాహాలు జరుగుతున్నట్లు తెలుస్తోంది.

ఈ ప్రాజెక్ట్‌ను జీఏ 2 పిక్చర్స్ నిర్మించబోతున్నట్లు సమాచారం. త్వరలోనే ఈ సినిమాకు సంబంధించి ప్రకటన వస్తుంది అంటున్నారు. ప్రస్తుతం నిఖిల్ ‘స్వయంభు’, ‘ది ఇండియన్ హౌస్’ సినిమాలు చేస్తున్నాడు. ఆ సినిమాల తర్వాత సుధీర్ వర్మ దర్శకత్వంలో ఓ సినిమా చేస్తారు. ఆతర్వాత ‘ఎక్కడికి పోతావు చిన్నవాడా 2’ ఉంటుందని సమాచారం. దర్శకుడు వి.ఐ ఆనంద్ ప్రస్తుతం సందీప్ కిషన్‌తో ‘ఊరు పేరు భైరవకోన’ చేస్తున్నారు. ఆ సినిమా తర్వాతే ఈ సినిమా ఉంటుంది అని చెప్పొచ్చు.

nikhil, Ekkadiki Pothavu Chinnavada Movie, Actress Hebah Patel, Actress Avika Gor, director vi anand,

ఇక ‘స్పై’ సినిమా పాన్‌ ఇండియా రిలీజ్‌ విషయంలో ఇబ్బందులు రావడంతో (Nikhil) నిఖిల్‌ బహిరంగంగా తన అభిమానులకు లేఖ రాశాడు. ఇకపై ఇలా జరగకుండా చూసుకుంటానని పక్కా ప్లానింగ్‌తో సినిమా చేస్తానని, విడుదల చేస్తానని చెప్పాడు. ఈ క్రమంలో ఇలాంటి బలమైన సినిమాలు ఎంపిక చేసుకుంటున్నాడని టాక్‌.