రాజశేఖర్, జీవితలకు కరోనా?

October 17, 2020 / 01:29 PM ISTByFilmy Focus

Join Us

టాలీవుడ్ సీనియర్ హీరో రాజశేఖర్ మరియు అతని కుటుంబం కరోనా భారిన పడినట్టు తెలుస్తుంది. ఈ విషయాన్ని స్వయంగా రాజశేఖరే.. తన ట్విట్టర్ ద్వారా తెలియజేసారు. ‘నేను నా భార్య జీవిత కరోనా బారినపడిన సంగతి నిజమే. మాతో పాటు మా ఇద్దరు కూతుర్లకు కూడా కరోనా సోకింది. అయితే వాళ్ళిద్దరూ కోలుకున్నారు. ప్రస్తుతం మేము ఆస్పత్రిలో చికిత్స పొందుతున్నాం. కంగారు పడాల్సింది ఏమీ లేదు… ఇప్పుడు మేము బాగానే ఉన్నాం.

త్వరలోనే కోలుకొని ఇంటికి వస్తాం’ అంటూ చెప్పుకొచ్చారు రాజశేఖర్. నిజానికి వారం రోజుల క్రితమే రాజశేఖర్ ఫ్యామిలీ అనారోగ్యం పాలయ్యారట. అయితే కరోనా అన్న విషయం వారికి ఆలస్యంగా తెలిసిందని వారి సన్నిహితులు చెబుతున్నారు. ఇక సినిమాల విషయానికి వస్తే.. రాజశేఖర్ ప్రస్తుతం నీలకంఠ డైరెక్షన్లో ఓ చిత్రం చెయ్యడానికి అంగీకరించారు. త్వరలోనే ఈ చిత్రం షూటింగ్ మొదలుకావాల్సి ఉంది.

కానీ ఇంతలో అనుకోకుండా రాజశేఖర్ కరోనా భారిన పడ్డారని తెలుస్తుంది. ‘కరోనా విజృంభణ ప్రస్తుతం తగ్గింది’ అని అందరూ అంటున్నారు. అయితే సెలబ్రిటీలు మాత్రం దీని భారిన పడుతూనే ఉండడం ఆందోళన కలిగించే విషయం. ఇప్పటీకే రాజమౌళి ఫ్యామిలీతో పాటు.. కీరవాణి, నాగబాబు,తమన్నా వంటి స్టార్స్ కు కూడా కరోనా సోకిన సంగతి తెలిసిందే.

The news is true that Jeevitha, Kids and I have tested positive for corona and are currently being treated in the hospital.
Both the kids are completely out of it, Jeevitha and I are feeling much better and will be back home soon!
Thank you !

— Dr.Rajasekhar (@ActorRajasekhar) October 17, 2020