Hero Siddharth: ప్రమోషన్స్ ఎగ్గొట్టిన హీరో కారణమేంటంటే..?

September 24, 2021 / 05:01 PM ISTByFilmy Focus

Join Us

Hero Siddharth: ప్రమోషన్స్ ఎగ్గొట్టిన హీరో కారణమేంటంటే..?

‘బాయ్స్’ సినిమాతో ఇండస్ట్రీలోకి ఎంట్రీ ఇచ్చిన హీరో సిద్ధార్థ్ ఆ తరువాత ‘బొమ్మరిల్లు’, ‘నువ్వొస్తానంటే నేనొద్దంటానా’ వంటి సినిమాలతో యూత్ లో మంచి ఫాలోయింగ్ సంపాదించుకున్నాడు. అయితే ఆ తరువాత సిద్ధార్థ్ నటించిన సినిమాలేవీ కూడా పెద్దగా ఆడలేదు. దీంతో ప్రయోగాత్మక సినిమాలు చేస్తూ సరైన హిట్ కోసం ఎదురుచూస్తున్నాడు. కోలీవుడ్ లో సెటిల్ అయిపోయిన ఈ హీరో తిరిగి టాలీవుడ్ లో ఎంట్రీ ఇవ్వబోతున్నాడు. అజయ్ భూపతి తెరకెక్కిస్తోన్న ‘మహా సముద్రం’ సినిమాలో శర్వానంద్ తో పాటు సిద్ధార్థ్ కూడా నటిస్తోంది.

రీసెంట్ గా ఈ సినిమా ట్రైలర్ ను విడుదల చేశారు. ఈ ఈవెంట్ కి సిద్ధార్థ్ రాలేదు. దీంతో ఆయన ఎందుకు రాలేదని ఆరా తీయడం మొదలుపెట్టారు. దీనికి అసలు కారణాన్ని చెప్పాడు దర్శకుడు అజయ్ భూపతి. సిద్ధార్థ్ ఆపరేషన్ కోసం లండన్ వెళ్లారని.. అందుకే ఈవెంట్ కి హాజరు కాలేకపోయారని చెప్పాడు. అయితే అది దేనికి సంబంధించిన ఆపరేషన్ అనే విషయాన్ని మాత్రం బయటపెట్టలేదు. సోషల్ మీడియాలో చాలా యాక్టివ్ గా ఉంటూ ప్రతి విషయాన్ని అభిమానులతో పంచుకునే సిద్ధార్థ్ ఈ విషయం మాత్రం చెప్పలేదు.

ఏదిఏమైనా.. సిద్ధార్థ్ ఆపరేషన్ సక్సెస్ కావాలని అభిమానులు కోరుకుంటున్నారు. ఇక ‘మహాసముద్రం’ సినిమా విషయానికొస్తే.. ఇందులో అను ఇమ్మాన్యుయేల్, అదితి రావు హైదరి హీరోయిన్లుగా నటిస్తున్నారు. జగపతిబాబు, రావు రమేష్ తదితరులు కీలకపాత్రల్లో నటిస్తున్నారు. రీసెంట్ గా విడుదలైన ఈ సినిమా ట్రైలర్ ప్రేక్షకుల్లో అంచనాలు పెంచేసింది. అక్టోబర్ 14న ఈ సినిమా ప్రపంచవ్యాప్తంగా విడుదల కానుంది.