తమిళ్ తో పాటు తెలుగులో కూడా బోలెడెంత మంది ఫ్యాన్స్ ను సంపాదించుకున్నాడు సూర్య. ఇతని సినిమాల కోసం తెలుగు ప్రేక్షకులు కూడా ఎంతో ఆసక్తిగా ఎదురుచూస్తుంటారు. సూర్య నిజ జీవితంలో చాలా సింపుల్ గా వ్యవహరిస్తూ ఉంటాడన్న సంగతి తెలిసిందే. బహుశా అందుకేనేమో అతనికి కూడా డై హార్డ్ ఫ్యాన్స్ ఉన్నారు. చాలా సందర్భాల్లో సూర్య సింప్లిసిటీని మనం గమనిస్తూనే వచ్చాము. గతేడాది ఓ సందర్భంలో పేద విద్యార్థిని దీన గాథ విని..
స్టేజి పైనే కన్నీళ్లు పెట్టేసుకున్నాడు సూర్య. ఇతను ఎంతో మంది పేద విద్యార్థులను చదివిస్తూ మానవత్వం చాటుతూనే ఉన్నాడు.సరే ఈ విషయాలన్నీ ఎందుకు చెబుతున్నానంటే.. ఇతనితో ‘ఆకాశం నీ హద్దురా’ చిత్రాన్ని తెరకెక్కిస్తున్న దర్శకురాలు సుధ కొంగర కూతురి పెళ్లికి హాజరయ్యాడు సూర్య. పెళ్లిళ్లకు స్టార్ హీరోలు హాజరైతే ఏ రేంజ్ హడావిడి ఉంటుందో ప్రత్యేకంగా చెప్పనవసరం లేదు. డ్రెస్సింగ్ దగ్గర నుండీ బౌన్సర్లతో హడావిడి చేస్తుంటారు స్టార్లు. కానీ సూర్య మాత్రం ఇదిగో ఇలా సింపుల్ గా పంచకట్టులో హాజరయ్యాడు.
అందులో పెద్ద వింతేముంది అనుకుంటున్నారా…?అంతేకాదండోయ్.. వివాహ వేడుకలో భాగంగా పెళ్లి కూతురుకు పట్టే పందిరిని సైతం పట్టుకుని ఆయన జనాల మధ్యలో సామాన్యుడిలా నడిచి వచ్చాడు. దాంతో అక్కడున్న వారంతా ఆశ్చర్యపోయారు. దీనికి సంబందించిన ఫోటో ప్రస్తుతం సోషల్ మీడియాలో వైరల్ అవుతుంది. సూర్యతో పాటు సంగీత దర్శకుడు జీవీ ప్రకాష్ కూడా ఈ ఫొటోలో ఉండడాన్ని మనం గమనించవచ్చు.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
Home