దీపావళి కానుకగా విడుదలైన ‘సూరారై పొట్రు'(తెలుగులో ‘ఆకాశం నీ హద్దురా’) చిత్రం సూపర్ హిట్ టాక్ తో దూసుకుపోతుంది. కరోనా ఎఫెక్ట్ కారణంగా ఈ చిత్రాన్ని నేరుగా అమెజాన్ ప్రైమ్ లో విడుదల చేశారు. సుధా కొంగర డైరెక్షన్లో తెరకెక్కిన ఈ చిత్రం అన్ని వర్గాల ప్రేక్షకులను అలరిస్తుంది. ఈ మధ్య కాలంలో సూర్యకు సరైన హిట్టు పడలేదు అని ఆయన అభిమానులు చాలా నిరాశకు గురయ్యారు. కానీ ‘ఆకాశం నీ హద్దురా’ చిత్రం వారి ముచ్చటను తీర్చేసింది.
ఈ లాక్ డౌన్ టైములో ఓటిటిలో విడుదలైన సినిమాల్లో ఇదే బిగ్గెస్ట్ హిట్ అని చెప్పాలి.ఇక ఈ చిత్రం హిట్ ఇచ్చిన ఊపులో వరుస సినిమాల్లో నటించడానికి సూర్య ఓకే చెప్పేసాడు. ఇప్పటికే పాండిరాజ్‌, హరి, వెట్రిమారన్ వంటి బ్లాక్ బస్టర్ దర్శకులతో సినిమాలు చెయ్యడానికి గ్రీన్ సిగ్నల్ ఇచ్చేసి అధికారిక ప్రకటన కూడా ఇచ్చేసాడు సూర్య. ఇదిలా ఉండగా.. ‘ఆకాశం నీ హద్దురా’ చిత్రం పూర్తయిన తరువాత తమిళ స్టార్ డైరెక్టర్ హరితో సూర్య సినిమా ఉంటుందని ప్రకటించిన సంగతి తెలిసిందే.
అయితే సూర్య.. తన సినిమాని, అలాగే తన భార్య సినిమాని ఓటిటిలో విడుదల చెయ్యడానికి సిద్దపడినప్పుడు తమిళంలో అతనికి తీవ్ర వ్యతిరేకత ఎదురైంది. ఈ క్రమంలో దర్శకుడు హరి కూడా సూర్య నిర్ణయాన్ని వ్యతిరేకించాడు.దాంతో వీరిద్దరి మధ్య మనస్పర్థలు చోటుచేసుకున్నాయని. అందుకే వీరి కాంబినేషన్లో తెరకెక్కాల్సిన మూవీ ఆగిపోయిందని ప్రచారం మొదలైంది. అయితే ఈ వార్తలను సూర్య కొట్టి పారేసాడు. ‘హరి సర్ తో చేసేది కాస్త హై బడ్జెట్ మూవీ.. అందుకే లేట్ గా మొదలవుతుంది. స్క్రిప్ట్ కూడా ఫైనల్ స్టేజిలో ఉంది’ అంటూ సూర్య తెలిపాడు.
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
Home