కోలీవుడ్ స్టార్ హీరోలలో ఒకరైన విజయ్ కు ప్రేక్షకులలో ఊహించని స్థాయిలో ఫ్యాన్ ఫాలోయింగ్ ఉంది. విజయ్ నటించిన సినిమాలలో మెజారిటీ సినిమాలు సక్సెస్ సాధించాయి. పలు సర్వేలలో విజయ్ నంబర్ వన్ స్థానంలో నిలుస్తూ ఇతర హీరోల అభిమానులకు షాకిస్తున్న సంగతి తెలిసిందే. విజయ్ తర్వాత ప్రాజెక్ట్ లన్నీ పాన్ ఇండియా ప్రాజెక్ట్ లుగా భారీ బడ్జెట్ తో తెరకెక్కుతున్నాయనే విషయం తెలిసిందే. అయితే తాజాగా విజయ్ లగ్జరీ అపార్టుమెంట్ ను కొనుగోలు చేశారు.
చెన్నై సిటీలోని ఖరీదైన ప్రాంతంలో విజయ్ ఈ లగ్జరీ హౌస్ ను కొనుగోలు చేశారని సమాచారం అందుతోంది. ఈ అపార్టుమెంట్ కోసం విజయ్ భారీ మొత్తంలో ఖర్చు చేశారని సమాచారం అందుతోంది. ఏకంగా 35 కోట్ల రూపాయలు ఖర్చు చేసి విజయ్ లగ్జరీ హౌస్ ను కొనుగోలు చేశారనే విషయం ప్రస్తుతం సోషల్ మీడియాలో వైరల్ అవుతోంది. విజయ్ ఇప్పటివరకు ఈస్ట్ కోస్ట్ రోడ్ లో ఫ్యామిలీతో కలిసి నివాసం ఉన్నారు.
ఈ ప్రాంతం రద్దీగా మారడంతో విజయ్ కొత్త ఇంటిని కొనుగోలు చేశారని సమాచారం అందుతోంది. విజయ్ ప్రస్తుతం వంశీ పైడిపల్లి డైరెక్షన్ లో వారిసు అనే సినిమాలో నటిస్తున్నారు. తెలుగులో వారసుడు పేరుతో ఈ సినిమా రిలీజ్ కానుంది. 2023 సంవత్సరం సంక్రాంతి కానుకగా ఈ సినిమా రిలీజ్ కానుంది. నిర్మాత దిల్ రాజు ఖర్చు విషయంలో రాజీ పడకుండా అత్యంత భారీ బడ్జెట్ తో ఈ సినిమాను నిర్మిస్తున్నారు.
ఈ సినిమాకు రికార్డు స్థాయిలో బిజినెస్ ఆఫర్లు వస్తున్నాయని బోగట్టా. దిల్ రాజుకు ఈ సినిమా ఊహించని స్థాయిలో లాభాలను అందించడం ఖాయమని కామెంట్లు వ్యక్తమవుతున్నాయి. విజయ్ కొనుగోలు చేసిన భవనంలోనే స్టార్ హీరో ఆర్యకు కూడా సొంతంగా ఫ్లాట్ ఉందని సమాచారం అందుతోంది.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
