Vishal, Jagan: పవన్ కళ్యాణ్ కు అభిమానిని… ఓటు మాత్రం జగనన్నకే: హీరో విశాల్

కోలీవుడ్ స్టార్ హీరో విశాల్ ఏ వినోద్ దర్శకత్వంలో తెరకెక్కిన లాఠీ సినిమా ద్వారా ప్రేక్షకుల ముందుకు రాబోతున్నారు. ఈ సినిమా ఈనెల 22వ తేదీ విడుదల కానున్న నేపథ్యంలో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా తిరుపతిలోని ఎస్వీ ఇంజినీరింగ్‌ కాలేజ్‌, ఎస్‌డీహెచ్‌ఆర్‌ కాలేజీల్లో.. రెండు వేర్వేరు ప్రీ రిలీజ్‌ ఈవెంట్స్ నిర్వహించారు. ఈ కార్యక్రమానికి ముఖ్య అతిథిగా మంచు మోహన్ బాబు కూడా హాజరయ్యారు.

ఇకపోతే ఈ సినిమా ఈవెంట్ అనంతరం మీడియాతో మాట్లాడినటువంటి విశాల్ రాజకీయాల గురించి పలు ఆసక్తికర వ్యాఖ్యలు చేశారు. సినిమాల పరంగా తాను పవన్ కళ్యాణ్ కు చాలా పెద్ద అభిమానిని తెలిపారు. చిరంజీవి నటించిన ఎస్పీ పరశురామ్ సినిమా సమయం నుంచి తనకు పవన్ కళ్యాణ్ అంటే అభిమానమని తెలిపారు. పవన్ కళ్యాణ్ తన అభిమాన నటుడని, సినిమాల పరంగా ఆయనకు నేను పెద్ద అభిమానిని విశాల్ వెల్లడించారు.

ఇక రాజకీయాల విషయానికి వస్తే నా ఓటు మాత్రం జగనన్నకే అంటూ షాకింగ్ కామెంట్స్ చేశారు.నాకు జగన్ అంటే ఇష్టం అనే మాట నా గుండెల్లో నుంచి వస్తుందని విశాల్ ఏపీ సీఎం గురించి ఆసక్తికరమైన విషయాలు తెలియజేశారు. నేను కనుక ఓటు వేయాల్సి వస్తే జగన్ మోహన్ రెడ్డికి తప్ప వేరే వారికి ఓటు వేయనని ఈ సందర్భంగా జగనన్న పై తనకున్న అభిమానాన్ని కూడా తెలియజేశారు. ఇకపోతే తను వైసీపీలోకి వస్తున్నట్లు గత కొద్ది రోజులుగా వార్తలు వస్తున్నాయి.అయితే ఈ వార్తలలో ఏ మాత్రం నిజం లేదని తాను రాజకీయాలకు చాలా దూరమని ఈ సందర్భంగా క్లారిటీ ఇచ్చారు.

అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?

2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!