విజయ్ అభిమానుల ఆశలపై నీళ్ళు జల్లిన హైకోర్ట్

తమిళనాట రజనీకాంత్ తర్వాత ఆస్థాయిలో స్టార్ డమ్ తోపాటు ఫ్యాన్ బేస్ ఉన్న నటుడు ఎవరు అంటే ఇమ్మీడీయట్ గా వచ్చే సమాధానం “విజయ్”. అంతటి స్టార్ డమ్ ఉండడమే అతడి ప్రతి సినిమాకి సమస్యలా మారుతోంది. గత అయిదారేళ్లలో విజయ్ ప్రతి సినిమాకి ఏదో ఒక సమస్య వస్తూనే ఉంది. ముఖ్యంగా విడుదల సమయంలో అయితే.. రిలీజ్ అవుతుందో లేదో కూడా తెలియానంత టెన్షన్ క్రియేట్ అవుతుంది. “కత్తి” సమయంలో పోలిటికల్ ఇష్యూస్ ఫేస్ చేసిన విజయ్ ఇప్పుడు పాలిటికిల్స్ నేపధ్యం వస్తున్న సినిమాకి కోర్ట్ ఇష్యూస్ ఫేస్ చేస్తున్నాడు. తెలుగులో మాత్రమే కాక తమిళంలోనూ బెనిఫిట్ షోస్ ఫ్యాన్స్ కోసం విశేషంగా వేస్తుంటారు. నయనతార సినిమాలకి కూడా ఈ స్పెషల్ షోస్ వేయడం తమిళనాట కామన్.

అయితే.. ఇంకో మూడు రోజుల్లో విడుదలకు సిద్ధమవుతున్న “సర్కార్” విషయంలో మాత్రం బెనిఫిట్ షోస్ వేయకూడదని కోర్ట్ ఆర్డర్ ఇవ్వడంతో విజయ్ ఫ్యాన్స్ చాలా బాధపడుతున్నారు. మరో స్టార్ హీరో సినిమా విడుదలప్పుడు రాని సమస్యలు కేవలం తమ హీరో సినిమా విడుదల సమయంలో జరుగుతుండడంతో చాలా బాధపడుతున్నారు విజయ్ అభిమానులు. ముఖ్యంగా.. ప్రభుత్వం తనను ఎన్ని రకాలుగా ఇబ్బందిపెడుతున్నా.. విజయ్ మాత్రం పట్టించుకోకపోతుండడం, కనీస స్థాయిలో కూడా రియాక్ట్ అవ్వకపోతుండడంతో ఏం చేయాలతో తోచని పరిస్థితిలో, ఇప్పుడసలు బెనిఫిట్ షో ఉందో లేదో తెలియని పొజిషన్ లో ఉన్నారు విజయ్ ఫ్యాన్స్.