హిందీ అర్జున్ రెడ్డి నుంచి తప్పుకున్న సుతారియా!

పెళ్లి చూపులు సినిమా తర్వాత విజయ్ దేవరకొండ నటించిన అర్జున్ రెడ్డి మూవీ సంచలన విజయం సాధించింది. సందీప్ వంగా దర్శకత్వంలో తెరకెక్కిన ఈ సినిమా కలక్షన్ల రికార్డులను తిరగరాసింది. తెలుగు రాష్ట్రాల ప్రజలకి మాత్రమే కాదు.. పొరుగురాష్ట్రాల సినీ అభిమానులకు సైతం బాగా నచ్చింది. విజయ్ దేవరకొండ పోషించిన అర్జున్ రెడ్డి పాత్రలో నటించడానికి స్టార్ హీరోలు ఆసక్తికనబరుస్తున్నారు. తమిళంలో విక్రమ్ తనయుడు అర్జున్ రెడ్డి గా నటిస్తుండగా.. బాలీవుడ్ లో షాహిద్ కపూర్ అర్జున్ రెడ్డి అవతారం ఎత్తబోతున్నారు.

హిందీ రీమేక్ కి కూడా సందీప్ వంగా దర్శకత్వం వహిస్తున్నారు. ప్రీ ప్రొడక్షన్ వర్క్ జోరుగా జరుపుకుంటున్న ఈ సినిమాలో హీరోయిన్ గా  సుతారియాను ఎంపిక చేసుకున్నారు. “స్టూడెంట్ ఆఫ్ ది ఇయర్ 2 ” సినిమాతో బాలీవుడ్ లో హీరోయిన్ గా ఎంట్రీ ఇస్తోంది. షాహిద్ కపూర్ పక్కన ఛాన్స్ అనగానే వెంటనే ఒప్పుకుంది. తీరా తన రోల్ గురించి పూర్తిగా తెలుసుకున్న తర్వాత షాక్ తినింది. డైరక్టెర్ ఆమెకు అర్జున్ రెడ్డి సినిమా చూపించారంటా. అందులో షాలిని పాండే విజయ్ తో పెట్టిన లిప్ లాక్స్ చూసి బయపడిపోయిందని, ఈ ఆఫర్ ని రిజెక్ట్ చేసిందని బాలీవుడ్ వర్గాలు తెలిపాయి. దీంతో మరో హీరోయిన్ వేటలో సందీప్ వంగా పడ్డారు. హీరోయిన్ సెట్ కాగానే మూవీ సెట్స్ మీదకు వెళ్ళిపోతుంది.