అప్పుడే ‘బిగ్ బాస్4’ గురించి మొదలైన హడావిడి..!

‘బిగ్ బాస్3’ పూర్తయ్యి.. ఇంకా మూడు రోజులు కూడా కాలేదు. అప్పుడే ‘బిగ్ బాస్4’ గురించి హడావిడి మొదలైపోయింది. తెలుగునాట ‘బిగ్ బాస్’ బాగా పాపులర్ అయ్యింది. రెగ్యులర్ కామెడీ షోలు, డ్యాన్స్ షో లు, సీరియల్స్ తో విసిగిపోయిన వారికి ఈ షో పెద్ద రిలీఫ్ ఇచ్చిందనే చెప్పాలి. మొదటి సీజన్ ను ఎన్టీఆర్ హోస్ట్ చేయగా.. సూపర్ సక్సెస్ సాధించింది. ఇక రెండో సీజన్ ను నేచురల్ స్టార్ నాని హోస్ట్ చేసాడు. హోస్ట్ పరంగా నానికి వందకు వంద మార్కులు పడ్డాయి.. కానీ మీడియం రేంజ్ హీరో కాబట్టి నాని కంటెస్టెంట్ లను ప్రశ్నించడం, తిట్టడం వంటివి.. ఆ కంటెస్టెంట్ లకు సంబందించిన అభిమానులు సహించకుండా ట్రోలింగ్ చేయడం మొదలుపెట్టారు. అలా నానికి నెగిటివిటీ ఏర్పడింది.

దీంతో మూడో సీజన్ కు నాని మొహమాట పడకుండా నో చెప్పేశాడట. దీంతో నాగార్జున హోస్ట్ చేసి సక్సెస్ చేసారు. నాగార్జున పెద్ద హీరో కాబట్టి.. చాలా జాగ్రత్తగా హ్యాండిల్ చేసి సక్సెస్ అయ్యారనే చెప్పొచ్చు. ఇక ఇప్పుడు నాలుగో సీజన్ ఎవరు హోస్ట్ చేస్తారు అనే అంశం పై అప్పుడే చర్చ మొదలైపోయింది. వెంకటేష్,విజయ్ దేవరకొండ, రానా వంటి పేర్లు వినిపిస్తున్నప్పటికీ.. ‘బిగ్ బాస్’ నిర్వాహకులు మాత్రం మళ్ళీ నాగార్జుననే హోస్ట్ చేయమని అడుగుతున్నారట. అయితే ‘బిగ్ బాస్3’ వల్ల సుమారు 4 నెలలు సినిమాలకు దూరంగా ఉంటూ వచ్చారు నాగార్జున. ఇప్పుడు వరుసగా ఆయన సినిమాలు చేయడానికి రెడీ అవుతున్నారట. కాబట్టి అప్పటి వీలుని బట్టి చూద్దాం అని నాగ్ బదులిచ్చినట్టు తెలుస్తుంది. దీంతో ఫైనల్ కు ముఖ్య అతిధిగా విచ్చేసిన మెగాస్టార్ చిరంజీవి ‘బిగ్ బాస్4’ ను హోస్ట్ చేసే అవకాశాలు కూడా ఉన్నాయట. కొరటాల శివతో అయన చేయబోతున్న సినిమా మే వరకూ పూర్తయిపోతుంది కాబట్టి జూలై లోపు ఆ సినిమా రిలీజైతే.. కొంచెం సమయం దొరికితే చేయడానికి నేను రెడీ అని చిరు చెప్పారట. అందుకోసం నాగార్జున దగ్గర కొన్ని టిప్స్ కూడా తీసుకుంటున్నారట మన మెగాస్టార్. సో కచ్చితంగా ‘బిగ్ బాస్4’ వీళ్ళిద్దరిలో ఒకరు హోస్ట్ చేసే అవకాశం ఉందని సమాచారం.

మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!