మినీ ‘బాహుబలి’ అవుతుందా..?

మలయాళంలో సక్సెస్ అందుకున్న ‘అయ్యప్పనుమ్ కోశియుమ్’ సినిమాను తెలుగులో రీమేక్ చేస్తోన్న సంగతి తెలిసిందే. ఇందులో పవన్ కళ్యాణ్ ని హీరోగా తీసుకున్నారు. అయితే పవన్ వరుసగా రీమేక్ సినిమాలు ఎన్నుకోవడం ఆయన ఫ్యాన్స్ కి రుచించడం లేదు. కానీ ఈ రీమేక్ సినిమాపై ట్రేడ్ లో సూపర్ క్రేజ్ ఏర్పడింది. రానాని రెండో హీరోగా తీసుకోవడం సినిమాకి ప్లస్ అయింది. ప్రభాస్, రానా కలిసి నటించిన ‘బాహుబలి’ భారీ విజయాన్ని అందుకుంది. ఇప్పుడు రానా, పవన్ కలిసి నటిస్తే అంతే రేంజ్ ఉంటుందని భావిస్తున్నారు.

కానీ ఇక్కడ డైరెక్టర్ రాజమౌళి లేడని నిరాశ పడక్కర్లేదు. ఆ లోటుని తీర్చడానికి త్రివిక్రమ్ హెల్ప్ చేస్తున్నాడు. ఈ సినిమాకి మాటలతో పాటు స్క్రీన్ ప్లే కూడా రాస్తోన్న త్రివిక్రమ్ కేవలం దర్శకత్వం మాత్రమే చేయడం లేదు. కానీ దర్శకత్వ పర్యవేక్షణ చేస్తాడట. సినిమాకి సంబంధించిన ప్రతీ విషయాన్ని ఆయన దగ్గరుండి చూసుకుంటాడట. పవన్ కళ్యాణ్ కూడా త్రివిక్రమ్ కి అన్ని రైట్స్ ఇస్తేనే సినిమా చేస్తానని చెప్పారట.

అందుకే సినిమాకి సంబంధించిన అన్ని విషయాలపై త్రివిక్రమ్ హ్యాండ్ ఉండబోతుందని సమాచారం. సాగర్ చంద్ర లాంటి చిన్న డైరెక్టర్ ని తీసుకోవడానికి కారణం కూడా బడ్జెట్ పరిమితులని చెబుతున్నారు. ట్రేడ్ మాత్రం ఈ సినిమాని మినీ బాహుబలి మాదిరి చూస్తోంది. మరి ఆ రేంజ్ లో సినిమా సక్సెస్ అవుతుందా..? కలెక్షన్స్ లో ఎంతమేరకు రాబడుతుందో చూడాలి. కొత్త సంవత్సరంలో ఉత్సాహంగా ఈ సినిమాను మొదలుపెట్టబోతున్నారు.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!