HIT 2: హిట్2 మూవీ విషయంలో అక్కడే తప్పు జరిగిందా?

అడివి శేష్ హీరోగా నటించిన హిట్2 మూవీ క్రిటిక్స్ నుంచి పాజిటివ్ రివ్యూలను సొంతం చేసుకోవడంతో పాటు సాధారణ ఆడియన్స్ నుంచి సైతం ఈ సినిమా బాగుందని ఒకసారి చూడొచ్చని అభిప్రాయాన్ని కలిగించింది. అయితే మరీ పాజిటివ్ టాక్ ను సొంతం చేసుకున్న ఈ సినిమా బాక్సాఫీస్ రిజల్ట్ మాత్రం భిన్నంగా ఉండటం హాట్ టాపిక్ అవుతోంది. మెజారిటీ ఏరియాలలో హిట్2 బ్రేక్ ఈవెన్ కాకపోవడంతో అడివి శేష్ కెరీర్ పరంగా జాగ్రత్త పడాల్సి ఉందని కామెంట్లు వ్యక్తమవుతున్నాయి.

నైజాం, ఓవర్సీస్ లో హిట్2 మూవీ సక్సెస్ సాధించినా విశాఖలో 25 లక్షలు నష్టపోయిందని సమాచారం. సీడెడ్, కృష్ణా జిల్లాలో కూడా ఈ సినిమాకు నష్టాలే మిగిలాయని సమాచారం. హర్రర్ థ్రిల్లర్ సినిమాలను ఇష్టపడే ప్రేక్షకులను టార్గెట్ చేసి తెరకెక్కించిన సినిమా కావడంతో అన్ని వర్గాల ప్రేక్షకులను ఈ సినిమా ఆకట్టుకోలేదు. నిడివి మరీ తక్కువగా ఉండటం ఈ సినిమాకు మైనస్ అయింది. హిట్1 మూవీ స్థాయిలో హిట్2 మూవీ ప్రేక్షకులను మెప్పించలేదని కామెంట్లు వినిపించాయి.

ట్విస్టులు తక్కువగా ఉండటం సినిమాలోని ట్విస్టులు సోషల్ మీడియాలో లీక్ అవ్వడం కూడా ఈ సినిమాకు మైనస్ అయింది. హిట్2 విషయంలో వచ్చిన నెగిటివ్ కామెంట్లను దృష్టిలో ఉంచుకుని దర్శకుడు శైలేష్ కొలను హిట్3 విషయంలో ఎన్నో జాగ్రత్తలు తీసుకోవాలని కామెంట్లు వినిపిస్తున్నాయి. హిట్3 సినిమాలో నాని హీరోగా నటిస్తుండగా రొటీన్ కథతో తెరకెక్కిస్తే ఈ సినిమా అంచనాలను అందుకునే అవకాశాలు తక్కువగా ఉంటాయని ఫ్యాన్స్ చెబుతున్నారు.

హిట్2 సినిమా డిజిటల్, శాటిలైట్ హక్కులు భారీ మొత్తానికి అమ్ముడైన నేపథ్యంలో నిర్మాత నానికి మాత్రం నష్టాలు రాలేదని తెలుస్తోంది. మరోవైపు అడివి శేష్ కొత్త ప్రాజెక్ట్ లకు సంబంధించి స్పష్టత రావాల్సి ఉంది.

గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!

ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!