సర్దార్ గబ్బర్ సింగ్ ని మించిన కాటమ రాయుడు

హిట్, ఫ్లాప్ లతో సంబంధం లేకుండా సినిమా సినిమాకు రేంజ్ పెరిగే టాలీవుడ్ హీరోల్లో పవన్ కళ్యాణ్ ఒకరు. ఆయన ప్రతి సినిమాకు క్రేజ్ పెరుగుతుందే తప్ప తగ్గదు. ప్రస్తుతం డాలీ దర్శకత్వంలో పవర్ స్టార్ నటిస్తున్న కాటమ రాయుడు పై భారీ అంచనాలు ఉన్నాయి. శరత్ మరార్ నిర్మిస్తున్నఈ మూవీ వేగంగా షూటింగ్ జరుపుకుంటోంది. ఇందులో రెండోసారి శృతి హాసన్ పవన్ కి జోడీగా నటిస్తోంది.

ఫ్యాక్షన్ లీడర్ గా పవర్ స్టార్ కనిపించనున్న ఈ ఫిల్మ్ రెండో షెడ్యూల్ కూడా కంప్లీట్ చేసుకోక ముందే శాటిలైట్ హక్కులు అమ్ముడుపోయాయి. 15 కోట్లు చెల్లించి ఓ ఛానెల్  కాటమ రాయుడు  శాటిలైట్ హక్కులను సొంతం చేసుకుందని శరత్ మరార్ ఈ రోజు వెల్లడించారు. పవన్ గత చిత్రం సర్దార్ గబ్బర్ సింగ్ శాటిలైట్ రైట్స్ 12.5 కోట్లకు అమ్ముడుపోయింది. ఆ రికార్డును కాటమ రాయుడు అధిగమించడం విశేషం. సెట్స్ మీద ఉండగానే కాటమ రాయుడు సత్తా చూపిస్తున్నాడు.