యంగ్ టైగర్ ఎన్టీఆర్ తన కెరీర్లో తొలిసారి త్రిపాత్రాభినయం చేస్తున్న ‘జైలవకుశ’ చిత్రం షూటింగ్ వేగంగా జరుగుతోంది. మొన్నటి వరకు బూత్ బంగళాలో భారీ యాక్షన్ సీన్ తెరకెక్కించిన బాబీ రామోజీ ఫిలిం సిటీకి షిఫ్ట్ అయ్యారు. అక్కడ మరికొన్ని సన్నివేశాలను తెరకెక్కించడానికి రెడీ అవుతున్నారు. అందుకోసం ప్యాలెస్ తరహాలో ఒక భారీ సెట్ ను వేయిస్తున్నారు. అబ్బురపరిచే ఈ సెట్ కోసం దాదాపు 2 కోట్లు ఖర్చు చేస్తున్నారని తెలిసింది. సెకండాఫ్ లో వచ్చే ఉత్కంఠ భరితమైన సీన్ల షూటింగ్ ఇక్కడ జరుగుతుందని సమాచారం.
ఈ సీన్స్ సినిమా హైలైట్స్ లో ఒకటిగా నిలుస్తాయని చిత్ర బృందం వెల్లడించింది. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ చిత్రంలో తారక్ సరసన రాశీఖన్నా, నివేదా థామస్, నందితా రాజ్ లు ఆడిపాడనున్నారు. దేవీ శ్రీ ప్రసాద్ ఎన్టీఆర్ ఫ్యాన్స్ కి నాచే ట్యూన్స్ ఇచ్చే పనిలో బిజీగా ఉన్నారు. జనతాగ్యారేజి తర్వాత తారక్ చేస్తున్న ఈ చిత్రం పై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
