బుల్లితెర యాంకర్ అనసూయ తన సినీ కెరీర్ లో ఎన్నో మంచి పాత్రల్లో నటించారు. రంగస్థలం, పుష్ప ది రైజ్ సినిమాలలోని పాత్రలు అనసూయకు మంచి పేరును తెచ్చిపెట్టాయి. పుష్ప ది రూల్ లో అనసూయ పాత్రకు ఎక్కువ ప్రాధాన్యత ఉంటుందని కామెంట్లు వినిపిస్తున్నాయి. బుల్లితెరపై జబర్దస్త్ షోకు అనసూయ సక్సెస్ ఫుల్ యాంకర్ గా కెరీర్ ను కొనసాగిస్తున్నారు జబర్దస్త్ షో మంచి రేటింగ్ లను సొంతం చేసుకుంటుందనే సంగతి తెలిసిందే.
తాజాగా జబర్దస్త్ షో ప్రోమో రిలీజ్ కాగా ప్రోమోలో ఆది అనసూయపై వేసిన పంచ్ లు వైరల్ అవుతున్నాయి. హైపర్ ఆది పుష్పరాజ్ పాత్రను ఇమిటేట్ చేస్తూ షోలోకి ఎంట్రీ ఇచ్చారు. మనోగారు తగ్గేదేలే, రోజాగారు అనసూయ గారు తగ్గేదేలే అంటూ ఆది పుష్ప డైలాగ్స్ ను చెప్పుకొచ్చారు. అనసూయ చూస్తోందిరా నవ్వుతోందిరా నాకు తెలుసు అనసూయ నన్ను లవ్ చేస్తోందని అంటూ ఆది ఆసక్తికర వ్యాఖ్యలు చేశారు. 10,000 రూపాయల పూజ అంటూ ఆది చెప్పగా అనసూయ వేలు చూపిస్తూ వార్నింగ్ ఇచ్చారు.
ఈ నెల 20వ తేదీన ఈ ఎపిసోడ్ ప్రసారం కానుంది. మరోవైపు సోగ్గాడే చిన్నినాయన సినిమాలో అనసూయ కొన్ని నిమిషాల పాటు కనిపించి సందడి చేశారు. అయితే బంగార్రాజు సినిమాలో మాత్రం అనసూయకు ఛాన్స్ దక్కలేదు. తనకు ఛాన్స్ ఇవ్వకపోవడం గురించి అనసూయ బంగార్రాజు ఈవెంట్ లో కళ్యాణ్ కృష్ణను అడిగారు. బంగార్రాజు సినిమాలో తనకు రోల్ ఎందుకు ఇవ్వలేదో అసలు నిజం చెప్పాలని అనసూయ కళ్యాణ్ కృష్ణను అడిగారు.
బంగార్రాజు ఈవెంట్ లో అనసూయ అడిగిన ప్రశ్నకు కళ్యాణ్ కృష్ణ స్పందిస్తూ సినిమాలో అనసూయకు ఛాన్స్ ఇస్తే ఆ పాత్ర నాగచైతన్యకు పిన్ని అవుతుందని ఎక్కువ వయస్సు ఉన్న విధంగా అనసూయను చూపించాల్సి ఉండటంతో రోల్ ఇవ్వలేదని కళ్యాణ్ కృష్ణ అన్నారు. అలాంటి పాత్రలో అనసూయ నటిస్తారా? అంటూ కళ్యాణ్ కృష్ణ రివర్స్ లో ప్రశ్నించారు. ఆ తర్వాత అనసూయ స్పందిస్తూ తనకు బంగార్రాజు సినిమాలో ఆఫర్ ఇవ్వకపోవడానికి కళ్యాణ్ కృష్ణ వేరే కారణం చెప్పాడని ఆమె కామెంట్లు చేశారు. కళ్యాణ్ కృష్ణ తనతో ముసలిపాత్రలు ఎందుకులే అని అన్నాడని అనసూయ వెల్లడించారు.
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
Home