Hyper Aadi: మావల్లే సుదీర్ ఫేమస్ అయ్యారు.. హైపర్ ఆది షాకింగ్ కామెంట్స్!

బుల్లితెర కమెడియన్స్ గా ఎంతో పేరు ప్రఖ్యాతలు పొందినటువంటి వారిలో హైపర్ ఆది సుడిగాలి సుదీర్ గురించి పరిచయం అవసరం లేదు. ప్రస్తుతం వీరిద్దరూ కూడా బుల్లితెర కార్యక్రమాలను కాస్త తగ్గించి సినిమా అవకాశాలను అందుకుంటూ వరుస సినిమాలలో నటిస్తూ బిజీగా ఉన్నారు.ఇక హైపర్ ఆది సినిమాలలో కమెడియన్ పాత్రలలో నటించినప్పటికీ సుదీర్ మాత్రం హీరోగా అవకాశాలను అందుకొని పలు సినిమాలలో హీరోగా నటిస్తూ బిజీగా ఉన్నారు. ఇక వీరిద్దరు కూడా జబర్దస్త్ కార్యక్రమంలో సందడి చేశారు.

అలాగే శ్రీదేవి డ్రామా కంపెనీ కార్యక్రమంలో సుధీర్ వ్యాఖ్యాతగా వ్యవహరించగా హైపర్ ఆది కమెడియన్ గా ఈ కార్యక్రమంలో సందడి చేశారు.ఇక వీరిద్దరూ కూడా ఇప్పుడు జబర్దస్త్ కార్యక్రమాన్ని వదిలేసిన విషయం తెలిసిందే. అయితే సుదీర్ సినిమా షూటింగ్ పనులలో బిజీగా ఉండటం వల్ల శ్రీదేవి డ్రామా కంపెనీ కార్యక్రమం నుంచి కూడా దూరమయ్యారు. ఈ విధంగా శ్రీదేవి డ్రామా కంపెనీ కార్యక్రమానికి సుడిగాలి సుదీర్ దూరం కావడంతో ఆస్థానాన్ని హైపర్ ఆది ఆక్రమించారు.

ఇలా హైపర్ ఆదికి (Hyper Aadi) ఈ కార్యక్రమంలో ఎంతో మంచి క్రేజ్ ఉందని చెప్పాలి. ఇక ఈ కార్యక్రమంలో భాగంగా హైపర్ ఆది సుడిగాలి సుదీర్ లేకపోయినా ఆయన గురించి పంచ్ డైలాగులు వేస్తూ అందరిని నవ్విస్తూ ఉంటారు.అయితే ఒక ఇంటర్వ్యూలో పాల్గొన్నటువంటి సుధీర్ కు యాంకర్ నుంచి ఒక ఆసక్తికరమైన ప్రశ్న ఎదురైంది. సుడిగాలి సుదీర్ లేకపోవడంతో శ్రీదేవి డ్రామా కంపెనీ కార్యక్రమంలో నెంబర్ వన్ స్థానాన్ని ఆక్రమించుకున్న హైపర్ ఆదిని యాంకర్ ప్రశ్నిస్తూ ఒకవేల సుధీర్ కనుక తిరిగి ఈ కార్యక్రమానికి వస్తే ఆయన స్థానాన్ని ఆయనకు ఇవ్వడానికి మీరు సిద్ధమేనా అంటూ ప్రశ్నించారు.

ఈ ప్రశ్నకు ఆది సమాధానం చెబుతూ సుదీర్ అనే ఒక వ్యక్తి వల్ల మల్లెమాల వారికి ఇంత పేరు ప్రఖ్యాతలు రాలేదు. ఇకపోతే సుధీర్ అన్న చుట్టూ మేమంతా ఉండడం వల్లే అతనికి అంత పేరు వచ్చింది. తనపై మేము పంచ్ డైలాగులు వేయకపోతే ఆయన అంత ఫేమస్ అయ్యే వారు కాదు మేము లేకపోతే సుదీర్ లేరంటూ హైపర్ ఆది చేసిన కామెంట్స్ వైరల్ అవుతున్నాయి.దీంతో సుధీర్ అభిమానులు హైపర్ ఆది పై తీవ్ర స్థాయిలో మండిపడుతున్నారు.

ప్రేక్షకులను థియేటర్ కు రప్పించిన సినిమాలు ఇవే..!
ప్రభాస్, పవన్ కళ్యాణ్ లతో పాటు అభిమానుల చివరి కోరికలు తీర్చిన స్టార్ హీరోలు!

టాలెంట్ కు లింగబేధం లేదు..మహిళా డైరక్టర్లు వీళ్లేనా?
పిల్లలను కనడానికి వయస్సు అడ్డుకాదంటున్న సినీతారలు