సావిత్రిగా సూటవ్వనంటున్న సమంత !!

ఒకవారం క్రితం మహానటి సావిత్రి జీవితం ఆధారంగా “ఎవడే సుబ్రమణ్యం” ఫేమ్ నాగ్ అశ్విన్ దర్శకత్వంలో రూపొందనున్న “సావిత్రి బయోపిక్”లో సావిత్రిగా సమంత టైటిల్ పాత్ర పోషించనుందనే వార్తలు సోషల్ మీడియాలో హల్ చల్ చేశాయి. ఈ వార్తా ప్రాచుర్యంలోకి రావడానికి సరిగ్గా వారం ముందు సమంత ట్విట్టర్ లో “త్వరలోనే ఒక ఇంట్రెస్టింగ్ ప్రొజెక్ట్ గురించి మీకు చెబుతాను” అంటూ ట్వీట్ చేయడంతో.. అందరూ ఆ “ఇంట్రెస్టింగ్ ప్రోజెక్ట్” సావిత్రి బయోపిక్ అని ఫిక్స్ అయిపోయారు. కొంతమంది ఒకడుగు ముందుకేసి సావిత్రిగా సమంత ఎలా ఉంటుందో అని ఊహా చిత్రాలు సైతం రూపొందించేశారు.

ఈ విషయమై కాస్త లేట్ గా స్పందించిన సమంత.. అసలు సావిత్రి బయోపిక్ గురించి తనను ఎవరూ సంప్రదించలేదని, ఒకవేళ అడిగినా “సావిత్రి”గా మాత్రం తాను నటించలేనని కావాలంటే ఆ సినిమాలో ఏదైనా మరో ముఖ్యమైన పాత్ర పోషించడానికి మాత్రం సిద్ధంగా ఉన్నానని తేల్చేసింది. దాంతో అందరూ షాక్ కి గురయ్యారు. ఇదివరకూ “సావిత్రి”గా విద్యాబాలన్ కానీ నిత్యామీనన్ కానీ నటించే అవకాశాలున్నాయని వార్తలు వచ్చాయి. ఇప్పుడు సమంత స్వయంగా వైదొలగడంతో ఆ ఇద్దరిలో ఎవరో ఒకరు తప్పితే “సావిత్రి” పాత్రకు ఇంకొకరు న్యాయం చేయలేరనేది నిర్వివాదాంశం!

Also, do SUBSCRIBE to our YouTube channel to get latest Tollywood updates.