తెలుగులో నటించడానికి భయమెందుకో!

రవితేజ-ఇలియానాల కాంబినేషన్ గురించి ప్రత్యేకంగా చెప్పాల్సిన పనిలేదు. సినిమాలు ఫ్లాపైనా వారి కాంబినేషన్ మాత్రం ఆడియన్స్ ను విశేషంగా అలరించింది. “కిక్, ఖతర్నాక్, దేవుడు చేసిన మనుషులు” సినిమాల్లో “కిక్” మినహా మిగతా సినిమాలు డిజాస్టర్లే. “దేవుడు చేసిన మనుషులు” తర్వాత బాలీవుడ్ కి పయనమైన ఇలియానా మళ్ళీ టాలీవుడ్ వైపుకు తిరిగిచూడలేదు.

అయితే ఈమధ్య ఇలియానా టాలీవుడ్ రీఎంట్రీకి ట్రై చేస్తుందని గ్రహించిన రవితేజ ఆమెతో తనకున్న అనుబంధాన్ని దృష్టిలో ఉంచుకొని తాను నటించబోయే “బోగన్” తెలుగు రీమేక్ లో కథానాయికగా నటించమని దర్శకనిర్మాతల చేత అడిగించగా.. చాలా సున్నితంగా తిరస్కరించింది ఇలియానా. నిజానికి ఇలియానాకు తెలుగులో నటించడం ఇష్టం లేక కావాలని కోటిన్నర రెమ్యూనరేషన్ అడిగిందట. దాంతో ఆమెకు అంత రెమ్యూనరేషన్ ఇవ్వలేక నో అనేశారు. అలాగే ఇదివరకు రామ్ చరణ్ “ధృవ” సినిమాలో కథానాయికగా నటించే అవకాశం వచ్చినప్పటికీ, అప్పుడు కూడా కావాలనే నో చెప్పింది ఇలియానా.