సింహం సైలెంట్‌గా కూర్చుంది కదా అంటే… వేట మానేసింది అని కాదు, వేట రాదు అని కూడా కాదు. అడవిలో వేటాడటం మొదలుపెడితే దాని కంటే ఎవరూ బాగా వేటాడలేరు. దీనికి ఇండియన్‌ సినిమాకు లింక్‌ చేసి చూస్తే… ఆ అడవి సినిమా పరిశ్రమ… ఆ సింహం షారుఖ్‌ ఖాన్‌ అని చెప్పొచ్చు. అలా ఎలా చెబుతున్నారు అంటారా? ఏటా మోస్ట్‌ పాపులర్‌ ఇండియన్‌ స్టార్స్‌ అంటూ ఐఎండీబీ విడుదల చేసే లిస్ట్‌ ఈ విషయాన్ని తేల్చి చెప్పింది.
‘పఠాన్‌’, ‘జవాన్‌’ అంటూ వరుసగా బ్లాక్‌బస్టర్‌ సినిమాలు ఇచ్చాడు షారుఖ్‌ ఖాన్‌. అంతేకాదు షారుఖ్‌ సినిమాల్లోనే కాకుండా సోషల్‌ మీడియాలో కూడా ఇటీవల యాక్టివ్‌గా ఉంటున్ఆనడు. ఇవన్నీ కలిపి ఆయన్ను ఇప్పుడు ఈ ఏడాది పాపులర్‌ ఇండియన్‌ సెలబ్రిటీ జాబితాలో మొదటి స్థానంలో నిలిపాయి. దీనికి సంబంధించిన లిస్ట్‌ ఒకటి ఇప్పుడు సోషల్‌ మీడియాలో వైరల్ అవుతోంది. బాలీవుడ్‌ బాద్‌షా ఈజ్‌ బ్యాక్‌ అంటూ ఫ్యాన్స్‌ సంబరాలు చేసుకుంటున్నారు.ఈ జాబితాలో ముగ్గురు హీరోలు ఉండగా, ఏడుగురు హీరోయిన్లు ఉన్నారు.
అందులో తెలుగు నుండి ఒక్క హీరో కానీ, ఇఈరోయిన్‌ కానీ లేకపోవడం గమనార్హం. పాన్‌ ఇండియా స్థాయిలో మన స్టార్ల రేంజి పెరుగుతోంది అంటూ ఓవైపు మనం సంబరపడిపోతుంటే ఈ లిస్ట్‌లో ఒక్క హీరో కూడా చోటు సంపాదించుకోలేకపోయాడు. ఆ లెక్కన చూస్తుంటే ఇదేదో బాలీవుడ్‌ లిస్ట్‌లా కనిపిస్తోంది. కానీ విజయ్‌ సేతుపతి, నయనతార, శోభితా దూళిపాళ లాంటివాళ్లు ఉండటంతో ఇది ఇండియన్‌ లిస్టే అని చెప్పొచ్చు. ఇక లిస్ట్‌ సంగతి చూస్తే… రెండో స్థానంలో ఆలియా భట్ ఉంది.
మూడులో (Deepika Padukone) దీపిక పడుకొణె ఉండగా… నాలుగులో వామికా గబ్బి ఉంది. ఐదో స్థానంలో సౌత్‌ లేడీ సూపర్‌ స్టార్ నయనతార చోటు సంపాదిచుకుంది. వెబ్‌సిరీస్‌ల్లోకి ఉప్పెనలో వచ్చి పడిన తమన్నా ఆరో స్థానంలో ఉండగా… ఏడో స్థానంలో బాలీవుడ్‌ సీనియర్‌ నాయిక బెబో కరీనా నిలిచింది. ఇక ఎనిమిదిలో తెలుగు అందం శోభిత దూళిపాళ ఉంది. తొమ్మది, పది స్థానాల్లో వరుసగా అక్షయ్‌ కుమార్‌, విజయ్‌ సేతుపతి ఉన్నారు. అయితే ఈ పది మంది బాలీవుడ్‌ ఇండస్ట్రీతో లింక్‌ ఉన్నవాళ్లే.
మంగళవారం సినిమా రివ్యూ & రేటింగ్!
స్పార్క్ సినిమా రివ్యూ & రేటింగ్!
సప్త సాగరాలు దాటి సైడ్ బి సినిమా రివ్యూ & రేటింగ్!
