Indian2: ఇండియన్2 సినిమా రిలీజయ్యేది అప్పుడేనా?

లోకనాయకుడు కమల్ హాసన్ కు తమిళ, తెలుగు భాషలతో పాటు ఇతర భాషల్లో కూడా అభిమానులు ఉన్నారు. లోకేశ్ కనగరాజ్ డైరెక్షన్ లో తెరకెక్కిన విక్రమ్ సినిమాతో కమల్ హాసన్ ఈ ఏడాది బిగ్గెస్ట్ బ్లాక్ బస్టర్ హిట్ ను సొంతం చేసుకున్నారు. ప్రస్తుతం కమల్ హాసన్ శంకర్ డైరెక్షన్ లో అత్యంత భారీ బడ్జెట్ తో తెరకెక్కుతున్న ఇండియన్2 సినిమాలో నటిస్తుండగా ఈ సినిమా విడుదలైన తర్వాత బ్లాక్ బస్టర్ హిట్ గా నిలుస్తుందని ఫ్యాన్స్ భావిస్తున్నారు.

తెలుస్తున్న సమాచారం ప్రకారం ఈ సినిమా 2023 సంవత్సరం దీపావళి కానుకగా రిలీజ్ కానుంది. 2023 సంవత్సరం నవంబర్ 10వ తేదీన ఈ సినిమా విడుదలయ్యే ఛాన్స్ అయితే ఉంది. ఈ సినిమా ఎప్పుడు విడుదలైనా బాక్సాఫీస్ వద్ద బ్లాక్ బస్టర్ హిట్ గా నిలవడంతో పాటు ప్రేక్షకుల అంచనాలను మించి ఉంటుందని ఫ్యాన్స్ భావిస్తున్నారు. భారతీయుడు సినిమాకు సీక్వెల్ గా ఇండియన్2 సినిమా తెరకెక్కుతోంది. లైకా ప్రొడక్షన్స్ బ్యానర్ పై ఈ సినిమా తెరకెక్కుండగా ఈ సినిమా ఖర్చు విషయంలో మేకర్స్ ఏ మాత్రం రాజీ పడటం లేదు.

రికార్డ్ స్థాయిలో బిజినెస్ ఆఫర్లు వస్తుండటంతో పాటు దర్శకుడిగా శంకర్ కెరీర్ కు కూడా ఈ సినిమా సక్సెస్ సాధించడం ఎంతో ముఖ్యమనే సంగతి తెలిసిందే. భారతీయుడు2 సినిమాలో కాజల్ అగర్వాల్ హీరోయిన్ పాత్రలో నటిస్తున్నారు. రకుల్ ఈ సినిమాలో మరో హీరోయిన్ గా నటిస్తున్నారు. కాజల్, రకుల్ కెరీర్ కూడా ఆశాజనకంగా లేకపోవడంతో ఈ ఇద్దరు హీరోయిన్లు కూడా భారతీయుడు2 సినిమా తాము కోరుకున్న సక్సెస్ ను అందిస్తుందని ఆశిస్తున్నారు.

విక్రమ్ సినిమాతో ఇండస్ట్రీ హిట్ సాధించిన కమల్ హాసన్ కెరీర్ విషయంలో ఆచితూచి అడుగులు వేస్తున్నారు. అనిరుధ్ ఈ సినిమాకు సంగీతం అందిస్తుండగా అనిరుధ్ మ్యూజిక్ వల్ల ఈ సినిమాపై అంచనాలు అంతకంతకూ పెరుగుతున్నాయి.

గాడ్ ఫాదర్ సినిమా రివ్యూ & రేటింగ్!

Most Recommended Video

ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!