Indra Movie: ఆ డైలాగ్ విని చిరంజీవి వాచ్ ను గిఫ్ట్ గా ఇప్పించారా?

June 27, 2022 / 07:46 PM ISTByFilmy Focus

Join Us

Indra Movie: ఆ డైలాగ్ విని చిరంజీవి వాచ్ ను గిఫ్ట్ గా ఇప్పించారా?

చిరంజీవి హీరోగా బి.గోపాల్ డైరెక్షన్ లో తెరకెక్కిన ఇంద్ర సినిమా బాక్సాఫీస్ వద్ద సంచలనాలు సృష్టించడంతో పాటు చిరంజీవి కెరీర్ లో ప్రత్యేక చిత్రంగా నిలిచింది. పరుచూరి గోపాలకృష్ణ ఒక సందర్భంలో ఇంద్ర సినిమా గురించి మాట్లాడుతూ ఆసక్తికర విషయాలను వెల్లడించారు. ఇంద్ర సినిమా కథను చిన్నికృష్ణ సిద్ధం చేయగా ఆ సినిమా చేయడానికి బి.గోపాల్, అశ్వనీదత్ ఒప్పుకోలేదని ఆయన అన్నారు. ఆ తర్వాత చిన్నికృష్ణ ఫ్లాష్ బ్యాక్ లో మార్పులు చేయగా బి.గోపాల్ ఇంద్ర మూవీ చేయడానికి అంగీకరించినా అశ్వనీదత్ మాత్రం ఒప్పుకోలేదని ఆయన తెలిపారు.

paruchuri-gopala-krishna

చిరంజీవి మాత్రం ఇంద్ర కథ విని ఈ సినిమా మనం చేస్తున్నామని చెప్పారని అయితే చిరంజీవి గారు ఫ్యాక్షన్ డైలాగ్స్ ను తక్కువ మోతాదులో రాయాలని సూచించారని పరుచూరి గోపాలకృష్ణ కామెంట్లు చేశారు. చిరంజీవి సూచన మేరకు డైలాగ్స్ ను అలానే రాశామని ఆయన చెప్పుకొచ్చారు. ఇంద్ర ఆడియో రిలీజ్ ఫంక్షన్ సమయంలో సాధారణంగా స్టెప్పు వేయాలని అడిగే ఫ్యాన్స్ స్టెప్పుకు బదులుగా డైలాగ్ చెప్పాలని అడిగారని ఫ్యాన్స్ అలా కోరడంతో చిరంజీవి మాతో 80 శాతం షూటింగ్ పూర్తైందని 20 శాతానికి మీ ఇష్టం కొద్దీ డైలాగ్స్ రాయాలని సూచించారని ఆయన చెప్పుకొచ్చారు.

11indra

ఆ సమయంలో “మొక్కే కదా అని పీకేస్తే పీక కోస్తా”, “రాననుకున్నారా రాలేననుకున్నారా” డైలాగ్స్ ను చిరంజీవికి వినిపించామని పరుచూరి గోపాలకృష్ణ తెలిపారు. ఆ డైలాగ్స్ విన్న వెంటనే చిరంజీవి అశ్వనీదత్ ను పిలిచి ఒక మొబైల్ ను చూపించి గంటలో ఇంత ఖరీదైన మొబైల్ పరుచూరి గోపాలకృష్ణ చేతిలో ఉండాలని అన్నారని అది పరుచూరి గోపాలకృష్ణ గారికి మనం ఇస్తున్న బహుమతి అని ఆయన చెప్పారని పరుచూరి గోపాలకృష్ణ కామెంట్లు చేశారు. పరుచూరి గోపాలకృష్ణ ఇంద్ర విశేషాల గురించి చెబుతూ చేసిన కామెంట్లు నెట్టింట వైరల్ అవుతున్నాయి.