‘మనీ హైస్ట్‌’… ఇప్పుడు సోషల్‌ మీడియా, ఇంటర్నెట్‌ ఈ పేరు వింటే ఊగిపోతోంది. ఈ వెబ్‌ సిరీస్ అంతగా ఆదరణ పొందింది. భారీ దొంగతనాలు, యాక్షన్‌ నేపథ్యంలో సాగే ఈ వెబ్‌ సిరీస్‌కు ఇప్పుడు ప్రపంచవ్యాప్తంగా ఫ్యాన్స్‌ ఉన్నారు. అయితే ఈ వెబ్‌సిరీస్‌ సినిమాగా మారబోతోందా? అవుననే అంటున్నాయి బాలీవుడ్ వర్గాలు. అంతేకాదు ఈ సినిమా చేయబోయేది బాలీవుడ్ బాద్‌షా షారుఖ్‌ ఖాన్‌ అట. అట్లీ – షారుఖ్‌ కాంబినేషన్‌లో ఓ పాన్‌ ఇండియా సినిమా రూపొందుతున్న విషయం తెలిసిందే.
ఇటీవల పుణెలో ఈ సినిమా ప్రారంభమైందని సమాచారం. అయితే దీనిపై చిత్రబృందం అధికారికంగా ప్రకటించలేదు. ఈ విషయం పక్కన పెడితే ఈ సినిమా నేపథ్యం నోట్ల ముద్రణ, బ్యాంకు దోపిడీ లాంటి అంశాల చుట్టూ తిరుగుతుందని సమాచారం. అంటే ‘మనీ హైస్ట్‌’ లాంటి బ్యాక్‌డ్రాప్‌ అనే చెబుతున్నారు. మరోవైపు చాలా రోజుల క్రితం ‘మనీ హైస్ట్‌’ హక్కుల్ని షారుఖ్‌ ఖాన్‌ తీసుకున్నాడని వార్తలొచ్చాయి. దీనిపై ఆ తర్వాత ఎలాంటి సమాచారం లేదు.
ఇప్పుడు మళ్లీ అవే మాటలు వినిపిస్తున్నాయి. దీనిపై చిత్రబృందం క్లారిటీ ఇస్తుందేమో చూడాలి. అన్నట్లు ఈ సినిమాలో నయనతార నటిస్తుందని చాలా రోజుల నుండి అంటున్నారు. ఇప్పుడు ఆమెతోపాటు ప్రియమణి కూడా ఉంటుందని చెబుతున్నారు.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
Home
