Hari Hara Veera Mallu: పవన్ కళ్యాణ్ బర్త్ డే సర్ప్రైజ్ లు ఇవే!

పవర్ స్టార్ పవన్ కళ్యాణ్ ప్రస్తుతం అయ్యప్పనుమ్ కోషియమ్ రీమేక్ తో పాటు హరిహర వీరమల్లు సినిమాలతో బిజీగా ఉన్నారు. కొన్నిరోజుల క్రితం అయ్యప్పనుమ్ కోషియమ్ రీమేక్ మేకింగ్ వీడియో రిలీజ్ కాగా ఆ వీడియో పవన్ ఫ్యాన్స్ తో పాటు సాధారణ ప్రేక్షకులను సైతం ఆకట్టుకున్న సంగతి తెలిసిందే. సెప్టెంబర్ 2వ తేదీన పవన్ కళ్యాణ్ పుట్టినరోజు కాగా ఆరోజున పవన్ సినిమాలకు సంబంధించిన అప్ డేట్స్ రానున్నాయని సమాచారం.

సెప్టెంబర్ 2వ తేదీన అయ్యప్పనుమ్ కోషియమ్ రీమేక్ టైటిల్ తో పాటు ఆ సినిమా టీజర్ రిలీజయ్యే అవకాశాలు ఉన్నాయి. 2022 సంక్రాంతి కానుకగా ఈ సినిమా రిలీజ్ కానున్న నేపథ్యంలో వచ్చే నెల నుంచి ఈ సినిమా ప్రమోషన్స్ విషయంలో వేగం పెంచాలని చిత్రయూనిట్ భావిస్తున్నట్టు తెలుస్తోంది. మరోవైపు పవన్ పుట్టినరోజు కానుకగా హరిహర వీరమల్లు నుంచి మేకింగ్ వీడియో రిలీజ్ కానుందని సమాచారం. పవన్ కళ్యాణ్ కు జోడీగా హరిహర వీరమల్లు సినిమాలో నిధి అగర్వాల్ నటిస్తున్నారు.

వచ్చే ఏడాది సమ్మర్ లో ఈ సినిమా రిలీజయ్యే అవకాశాలు అయితే ఉన్నాయని తెలుస్తోంది. ప్రముఖ నిర్మాత ఏఎం రత్నం దాదాపు 200 కోట్ల రూపాయల బడ్జెట్ తో ఈ సినిమాను నిర్మిస్తున్నారు. ప్రముఖ సంగీత దర్శకుడు కీరవాణి ఈ సినిమాకు సంగీతం అందిస్తుండటం గమనార్హం. అయ్యప్పనుమ్ కోషియమ్ రీమేక్ షూటింగ్ ను పూర్తి చేసి పవన్ కళ్యాణ్ హరిహర వీరమల్లు షూటింగ్ లో పాల్గొననున్నారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!