Jailer 2: అక్టోబర్‌ క్లాష్‌: ‘జైలర్‌’ అనుకున్న డేట్‌కి రావడం లేదా?

అక్టోబరులో మన దగ్గర ఏ సినిమాలు వస్తాయి, ఏవి ఆగిపోతాయి అనే లెక్క ఇంకా పూర్తిస్థాయిలో తేలడం లేదు. దసరాకు వస్తామంటూ కొన్ని సినిమాలు ప్రకటించాయి. వాటి సంగతి ఇంకో సందర్భంలో చూద్దాం. ఇప్పుడు తమిళనాట అక్టోబరు క్లాష్‌ గురించి ఇప్పుడు చూద్దాం. ఎందుకంటే అక్టోబరు 15 వర్సెస్‌ అక్టోబరు 16 అనే చర్చ ఇప్పుడు కోడంబాక్కం వర్గాల్లో నడుస్తోంది. అక్టోబరు 16న ధనుష్‌ ‘ఓం’ సినిమా రానుండగా.. అక్టోబరు 15న తామొస్తామని ఇటీవల ‘జైలర్‌ 2’ చెప్పింది.

Jailer 2

ఈ రెండు సినిమాల్లో ఒకటి డ్రాప్‌ అవ్వడం పక్కా అని గత కొన్ని రోజులుగా కోలీవుడ్‌లో పెద్ద ఎత్తున చర్చ నడుస్తోంది. ఆ డ్రాప్‌ అయ్యేది శ్రాక్రిఫైస్‌ స్టార్‌ ధనుషే అని.. గతంలో ఆయన రిలీజ్‌ డేట్‌లు త్యాగం చేసిన సినిమా లిస్ట్‌తో ఆ మధ్య కోలీవుడ్‌లో పెద్ద ఎత్తున చర్చ జరిగింది. అయితే రీసెంట్‌గా రిలీజ్‌ చేసిన సినిమా ప్రచార చిత్రాల్లో ‘ఓం’ టీమ్‌ తమ సినిమా రిలీజ్‌ డేట్‌ని అక్టోబరు 15 అనే చెబుతోంది. అంటే ఈ సినిమా ఇప్పటివరకు వాయిదాకు సిద్ధమవ్వలేదు అని చెప్పొచ్చు.

అదే జరిగితే అనుకున్న తేదీకి ‘జైలర్‌ 2’ సినిమా రాకపోవచ్చు అనే డిస్కషన్‌ మొదలైంది. సినిమా పోస్ట్‌ ప్రొడక్షన్‌ విషయంలో కొన్ని ఆలస్యాలు అవుతున్నాయని, మొత్తంగా అక్టోబరు డేట్‌ను ‘జైలర్‌’ మిస్‌ అవుతారు అని అంటున్నారు. దీంతో అక్టోబరు క్లాష్‌ ఆసక్తికరంగా మారింది. ఒకవేళ ఇద్దరూ వస్తే కోలీవుడ్‌లో అదో రకం సందడి పక్కా. ఇక అదే సమయానికి తెలుగులో చిరంజీవి ‘విశ్వంభర’ వస్తుంది అని అంటున్నారు. కానీ ఇప్పటివరకు సినిమా టీమ్‌ నుండి ఎలాంటి సమాచారం.

ఇక ధనుష్‌ శాక్రిఫైస్‌ల సంగతి చూస్తే.. కమల్‌ హాసన్‌ ‘ఇండియన్‌ 2’ సినిమా కోసం ఒకసారి ‘రాయన్‌’ సినిమా వాయిదా వేసుకున్నాడు ధనుస్‌. ఆ తర్వాత అజిత్‌ ‘గుడ్‌ బ్యాడ్‌ అగ్లీ’ సినిమా కోసం కోసం తన ‘ఇడ్లీ కడాయి’ సినిమాను వాయిదా వేశాడు.

బన్నీ చెప్పాడు సరే.. ఆయన సైన్యం ఆ మాటలు వింటుందా?