ఇతర భాషల్లో ఘన విజయం సాధించిన సినిమాలను తెలుగులోకి తీసుకురావడానికి మన దర్శకనిర్మాతలు చాలా ప్రయత్నాలు చేస్తుంటారు. ఫక్తు కమర్షియల్‌ సినిమాల దగ్గరకు వచ్చేసరికి పెద్ద ఇబ్బందేం ఉండదు. ఎందుకంటే అందులో తెలుగు సినిమా ప్రేక్షకులకు అవసరమైన అన్ని ఎలిమెంట్స్‌ ఉంటాయి. అయితే ప్రయోగాత్మక సినిమాల దగ్గరకు వచ్చేసరికి మాత్రం లెక్క మారిపోతుంది. అలాంటి పరిస్థితే ఇప్పుడు ‘లూసిఫర్‌’ విషయంలో వచ్చింది అంటున్నారు. ‘లూసిఫర్‌’ సినిమా రీమేక్‌ పనులు ఇటీవల మొదలయ్యాయి.
అయితే సినిమాలో నటీనటుల ఎంపిక విషయంలో ఇంకా చిన్న డౌటానుమానం ఉందట. ఇందులో కథానాయిక పాత్రలో నయనతార నటిస్తుందని ఇటీవల మరోసారి వార్తలొచ్చాయి. అయితే ఆమె పాత్ర చిరంజీవి సోదరి అని అంటుండటంతో… అభిమానులు జీర్ణించుకోలేకపోతున్నారు. నయనతార… చిరంజీవి సోదరిగానా అంటూ పెదవి విరుస్తున్నారు. అయితే ఇక్కడే మరో మాట వినిపిస్తోంది. అదే కథలో వరుసల్లో మార్పులు. ‘లూసిఫర్‌’ లెక్క ప్రకారం చూస్తే…. మోహన్‌లాల్‌ సోదరిగా మంజు వారియర్‌ నటించింది. ఆమె పాత్ర సినిమా చాలా కీలకం. హీరో తర్వత అంత కీలకం ఆమెనే.
దీంతో ఆ పాత్రను నయనతారకు ఇచ్చారని అన్నారు. అయితే ఇందులో నయనతార… చిరంజీవి సోదరిగా కనిపించదని, ప్రేయసిగా ఉంటుందని టాక్‌. అంటే ప్రేయసి తండ్రి చిరంజీవికి గురువు అన్నమాట. ఆ గురువుగారి కూతురు కోసం హీరో పడే కష్టం ఈ సినిమా అంటున్నారు. ఇదంతా చదువుతుంటే ‘మాస్టర్‌’లో గురు శిష్యుల కాంబినేసన్‌ గుర్తొస్తోంది కదూ. చూద్దాం చిత్రబృందం తారాగణం మీద క్లారిటీ ఇస్తే కానీ ఈ సమస్య తీరదు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
Home