’90’s’ (90’s – A Middle-Class Biopic) వెబ్ సిరీస్ తో ఒక్కసారిగా పాపులర్ అయిపోయాడు దర్శకుడు ఆదిత్య హాసన్ (Aditya Haasan) . మంచి నోస్టాల్జిక్ ఫీలింగ్ కలిగించిన వెబ్- సిరీస్..అది. ఎక్కడా వల్గారిటీకి తావివ్వకుండా ఓ బ్యూటిఫుల్ మెసేజ్ కూడా ఉంటుంది. ఆర్టిస్ట్..ల పెర్ఫార్మన్స్..లు కూడా చాలా బాగుంటాయి. సీనియర్ హీరో శివాజీ (Sivaji) సెకండ్ ఇన్నింగ్స్ కి మంచి బూస్టప్ ఇచ్చింది ఈ సిరీస్. అలాగే దీని రైట్స్ తీసుకున్న ఈటీవి విన్ వారికి కూడా భారీగా లాభాలు వచ్చాయి.
ఇక దర్శకుడు ఆదిత్య రైటింగ్ కి టాలీవుడ్ హీరోలు ఇంప్రెస్ అయిపోయి ఛాన్సులు ఇవ్వడానికి ముందుకు వచ్చారు. ఈ లిస్ట్..లో నితిన్ కూడా ఉన్నాడు. నితిన్ (Nithin Kumar)- ఆదిత్య..ల సినిమా ఫిక్స్ అని ప్రచారం గట్టిగా జరిగింది. ‘ప్రేమలు’ తెలుగు వెర్షన్.. కి కూడా ఆదిత్య రైటింగ్ అదిరిపోయింది. ఆ తర్వాత వచ్చిన ‘డెడ్ పూల్’ కి కూడా చాలా బాగా డైలాగ్స్ రాశాడు. అన్నీ యూత్ కి బాగా నచ్చాయి. ‘ఈ క్రమంలో ఆదిత్య డైరెక్షన్లో సినిమా ఎప్పుడు చూస్తామా?’ అని అంతా అనుకుంటున్న వేళ ఓ షాకింగ్ న్యూస్ బయటకు వచ్చింది.
అదేంటంటే.. నితిన్ – ఆదిత్య..ల ప్రాజెక్టు ఇప్పట్లో సెట్ అయ్యేలా లేదట. నితిన్ (Nithiin) ప్రస్తుతం ‘రాబిన్ హుడ్’ (Robinhood) ‘తమ్ముడు’ (Thammudu) చిత్రాలతో బిజీగా ఉన్నాడు. తర్వాత విక్రమ్ కె కుమార్ తో (Vikram kumar) సినిమా చేయడానికి గ్రీన్ సిగ్నల్ ఇచ్చేశాడు. ఈ నేపథ్యంలో ‘ఆదిత్య సినిమాకి ఎక్కువ టైం పట్టొచ్చు’ అని నితిన్ (Nithiin) పరోక్షంగా తన టీంతో చెప్పించాడట.దీంతో ఆదిత్య ‘సితార ఎంటర్టైన్మెంట్స్’ లో తన ఫస్ట్ ఫీచర్ ఫిలిం చేయబోతున్నట్లు సమాచారం.
