పవన్ కళ్యాణ్, కొరటాల శివ కలయికలో సినిమా పట్టాలెక్కేనా ?

పవర్ స్టార్ పవన్ కళ్యాణ్ ఇదివరకు ఎన్నడూ లేనంత బిజీగా ఉన్నారు. ఓ వైపు సినిమాలు, మరో వైపు జనసేన పార్టీ పనులు చూసుకుంటూ దూసుకుపోతున్నారు. వచ్చే ఎన్నికల సమయానికి సాధ్యమైనన్ని సినిమాలను కంప్లీట్ చేయాలనీ ఫిక్స్ అయ్యారు. అందుకే వరుసగా నాలుగు సినిమాలకు ఒకే చెప్పారు. ప్రస్తుతం డాలీ దర్శకత్వంలో కాటమరాయుడు షూటింగ్ లో ఉన్న పవర్ స్టార్, దీని తర్వాత మాటల మాంత్రికుడు త్రివిక్రమ్ శ్రీనివాస్ మూవీని పట్టాలెక్కించాలని డిసైడ్ అయ్యారు. ఆ చిత్రం పోస్ట్ ప్రొడక్షన్ వర్క్ కొనసాగుతుండగానే తమిళ దర్శకుడు ఆర్ టీ నేసన్ దర్శకత్వంలో సినిమాను ప్రారంభించనున్నారు.

తాజాగా డైరక్టర్ కొరటాల శివ దర్శకత్వంలో నటించడానికి ఒకే చెప్పినట్లు తెలిసింది. అయితే ఈ చిత్రం పట్టాలెక్కే సూచనలు తక్కువగా కనిపిస్తున్నాయని పవన్ సన్నిహితులు చెబుతున్నారు. త్రివిక్రమ్, నేసన్ చిత్రాలు కంప్లీట్ చేసేసరికి ఒక సంవత్సరం పడుతుంది. 2018 లో నేసన్ సినిమా విడుదలవుతుంది. అప్పటికే ఎన్నికల హడావుడి మొదలవుతుంది. జనసేన పార్టీని విస్తరించడం, అభ్యర్థులను ఎంపిక చేయడం, ప్రచారం వంటి పనులు పవన్ చేయాల్సి ఉంటుంది. కాబట్టి కొరటాల శివ తో మూవీ చేయడం కష్టం అంటున్నారు.

Also, do SUBSCRIBE to our YouTube channel to get latest Tollywood updates.