Dil Raju: అభిమాన నిర్మాతకు పవన్‌ మాటిచ్చాడా

దిల్‌ రాజులో హార్డ్‌ కోర్‌ పవన్‌ కల్యాణ్‌ అభిమాని ఉన్నాడని ఇటీవల వరకు చాలామందికి తెలియదు. ‘వకీల్‌సాబ్‌’ సినిమా ప్రచారం మొదలయ్యాక అందరికీ తెలుస్తూ వచ్చింది. సినిమా విడుదల రోజు థియేటర్‌లో కాగితాలు విసిరి తనెంత పవన్‌ అభిమానో చెప్పకనే చెప్పాడు. ఇదంతా ఇప్పుడు మనకు తెలిసింది. అయితే అతని సన్నిహితులకు, అతని నిర్మాణ సంస్థలో పని చేసిన దర్శకులకు ఈ విషయం ఎప్పటి నుండో తెలుసు. అయితే ఈ అభిమాన నిర్మాతకు పవన్‌ మరో ఛాన్స్‌ ఇచ్చాడా? అవుననే అంటున్నాయి టాలీవుడ్‌ వర్గాలు.

మామూలుగా అయితే దిల్‌ రాజు దగ్గర దర్శకులు చాలామంది ఉంటారు. హీరో సెట్‌ అయితే, ఆయన దగ్గరున్న దర్శకుల్లో ఒకరితో సినిమా చేసేస్తుంటారు దిల్‌ రాజు. అయితే ఇప్పుడు దిల్‌ రాజుకు మాటిచ్చింది పవన్‌ కల్యాణ్‌. దీంతో దర్శకుడి విషయంలో దిల్‌ రాజు చాలా జాగ్రత్తగా ఉన్నాడట. ఈసారి సినిమా గట్టిగా కొట్టాలనే ఉద్దేశంతో పవన్‌ స్టామినాకు తగ్గ దర్శకుణ్ని వెతుకుతున్నారట. మరి పవన్‌తో సినిమా ఎప్పుడు ఉంటుందనే మాటకు సమాధానం మాత్రం లేదు.

ప్రస్తుతం పవన్‌ చేతిలో ఉన్న సినిమాలు చూస్తే పెద్ద లిస్టే వస్తోంది. ‘హరి హర వీరమల్లు’, ‘అయ్యప్పనుమ్‌ కొషియమ్‌’ రీమేక్‌, మైత్రీమూవీ మేకర్స్‌ – హరీశ్‌ శంకర్‌, రామ్‌ తాళ్లూరి – సురేందర్‌ రెడ్డి సినిమాలు ఉన్నాయి. ఇటీవల నిర్మాతలు భగవాన్‌ – పుల్లారావు వచ్చే ఏడాది పవన్‌తో సినిమా ఉంటుందని ప్రకటించారు. మరోవైపు బండ్ల గణేశ్‌ చాలా రోజుల క్రితమే ‘బాస్‌ ఓకే అన్నారు’ అంటూ ట్వీట్‌ చేశారు. అంటే ఆయన సినిమా కూడా ఉంది. మరి దిల్‌ రాజు సినిమా ఎప్పుడు? దేని తర్వాత అనేది చూడాలి. లేకపోతే పై నిర్మాతల్లో ఎవరితోనైనా జట్టు కట్టి సినిమా చేస్తారా? అనేది తెలియాలి.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!