‘పుష్ప: ది రూల్‌’ (Pushpa2) తర్వాత మూడో ‘పుష్ప’ (Pushpa) వస్తుంది అంటున్నారు కానీ… ఎక్కడా ఆ విషయంలో క్లారిటీ లేదు. దీంతో అల్లు అర్జున్‌ (Allu Arjun) లైనప్‌లో నెక్స్ట్ మూవీ ఏంటి అనే ప్రశ్న వినిపిస్తూనే ఉంది. ఎందుకంటే ‘పుష్ప’ సినిమాల కోసం బన్నీ చాలా ఏళ్లు మరో సినిమా చేయలేదు. దీంతో సుకుమార్‌ (Sukumar) సినిమా అయిపోగానే కొత్త సినిమా చేసి త్వరగా రిలీజ్‌ చేయాలి అనేది ఫ్యాన్స్‌ కోరిక. బన్నీ ఆలోచన కూడా అలానే ఉంది అంటున్నారు. ఈ క్రమంలో ఎక్కువగా వినిపిస్తున్న పేరు అట్లీ.
తమిళంలో స్టార్‌ డైరక్టర్‌గా అట్లీ (Atlee Kumar) ఉన్నప్పటి నుండి బన్నీతో ఓ సినిమా ఉంటుంది అని వార్తలొచ్చాయి. గీతా ఆర్ట్స్‌ బ్యానర్‌లోకానీ, స్టూడియో గ్రీన్‌ బ్యానర్‌లో కానీ ఈ సినిమా ఉంటుంది అని అప్పట్లో అనుకునేవారు. అయితే ఇప్పుడు అట్లీ స్థాయి పెరిగిపోయింది. షారుఖ్‌ ఖాన్‌తో (Shah Rukh Khan) బాలీవుడ్‌లో ‘జవాన్‌’ (Jawan) అనే సినిమా చేయడం, అది బ్లాక్‌ బస్టర్‌ అవ్వడంతో మొత్తం లెక్కలు మారిపోయాయి. అయితే బన్నీతో సినిమా మాత్రమే అలానే ఉంది. అంతేకాదు త్వరలో ఈ సినిమా ఓపెనింగ్‌ కూడా ఉంటుంది అంటున్నారు.
అన్నీ అనుకున్నట్లుగా జరిగితే బన్నీ పుట్టిన రోజునాడు ఈ సినిమా ప్రారంభోత్సవం చేస్తారట. లేదంటే ఆ తర్వాత రోజున అయినా చేస్తారు అంటున్నారు. అయితే ఈ సారి నిర్మాతగా కొత్త పేరు వినిపిస్తోంది. ప్రస్తుతం తమిళంలో వరుస సినిమాలతో దూసుకుపోతున్న సన్‌ పిక్చర్స్‌ ఈ సినిమాకు నిర్మాణ సంస్థగా ఉంటుంది అని చెబుతున్నారు. అయితే మరి తెలుగు కోసం వేరే ఏదైనా నిర్మాణ సంస్థ అటాచ్‌ అవుతుందా, లేక మొత్తం వాళ్లే చేసుకుంటారా అనేది చూడాలి.
ఈ సినిమాకు బన్నీ ఏకంగా రూ.120 కోట్ల పారితోషికం అందుకుంటున్నాడు అని టాక్‌. ‘పుష్ప’ సినిమాలతో వచ్చిన ఇమేజ్, మార్కెట్ దృష్టిలో పెట్టుకుని అంత ఆఫర్‌ చేశారు అని అంటున్నారు. మామూలుగా అయితే అట్లీ రెగ్యులర్ కమర్షియల్ సినిమాలే తీస్తారు. మరి ఈ సినిమా విషయంలో ఎలా ఆలోచిస్తాడో చూడాలి. అన్నట్లు ఈ సినిమాలో కథానాయికగా పూజా హెగ్డే (Pooja Hegde) నటిస్తోందని ఓ టాక్‌ కూడా ఉంది.
ఘనంగా హీరోయిన్ మీరా చోప్రా పెళ్లి.. వైరల్ అవుతున్న ఫోటోలు
భర్తకు షాకిచ్చిన సీరియల్ నటి.. ఏమైందంటే?
సిద్ధు జొన్నలగడ్డ ఆ హీరోయిన్ ను పెళ్లి చేసుకోనున్నారా.. ఏం జరిగిందంటే?
