టాలీవుడ్ లో స్టార్ హీరోయిన్ దూసుకుపోతుంది సమంత. చైతుతో విడిపోయిన తరువాత సమంత వరుస సినిమాలు ఒప్పుకుంటుంది. ఇప్పటికే ‘శాకుంతలం’ సినిమాను పూర్తి చేసిన ఆమె.. ప్రస్తుతం ‘యశోద’ సినిమాలో నటిస్తోంది. ఇదిలా ఉండగా.. చాలా రోజులుగా సమంత బాలీవుడ్ లో సినిమాలు చేయడానికి ప్లాన్ చేస్తోంది. ‘ది ఫ్యామిలీ మ్యాన్’ సీజన్ 2తో సమంతకి నేషనల్ లెవెల్ లో క్రేజ్ వచ్చింది. ‘పుష్ప’ సినిమాలో ఆమె చేసిన ఐటెం సాంగ్ మరింత రీచ్ వచ్చేలా చేసింది.
ఇప్పుడు బాలీవుడ్ లో సమంతకి క్రేజ్ రావడంతో ఆమెని సినిమాల్లో తీసుకోవాలనుకుంటున్నారు దర్శకనిర్మాతలు. ఆమె డెబ్యూ కోసం చాలా ప్రయత్నాలు జరుగుతున్నాయి. కరణ్ జోహార్, తాప్సీ ప్రొడక్షన్ లో సమంత సినిమాలు చేయబోతుందని టాక్. తాజాగా అందుతున్న సమాచారం ప్రకారం.. ప్రస్తుతం సమంత ముగ్గురు బాలీవుడ్ దర్శకులతో మంతనాలు జరుపుతుందట. ప్రస్తుతం ఈ ప్రాజెక్ట్స్ అన్నీ డిస్కషన్ స్టేజ్ లోనే ఉన్నట్లు తెలుస్తోంది.
త్వరలోనే సమంత తన డెబ్యూ ఫిలింగా మల్టిపుల్ ప్రాజెక్ట్స్ అనౌన్స్ చేస్తుందని అంటున్నారు. అందులో ఏది ముందుగా రిలీజ్ అవుతుందో అదే ఆమె డెబ్యూ అవుతుంది. ఒకేసారి మూడు సినిమాలు పట్టాలెక్కించడానికి ప్లాన్ చేస్తుంది ఈ బ్యూటీ. ఈ సినిమాలు కాకుండా.. అమ్మడు చేతిలో ఓ బైలింగ్యువల్, ఓ ఇంటర్నేషనల్ ప్రాజెక్ట్ కూడా ఉంది.
త్వరలోనే వీటిని కూడా సెట్స్ పైకి తీసుకెళ్లనుంది. ప్రస్తుతం తన మకాంను ముంబైకి షిఫ్ట్ చేసింది ఈ బ్యూటీ. అక్కడే ఉంటూ పనులన్నీ చక్కబెడుతుంది. త్వరలోనే ఈమె నటిస్తోన్న ‘యశోద’, ‘ఖుషి’ సినిమాలు ప్రేక్షకుల ముందుకు రానున్నాయి.
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
Home