బుల్లితెర పవర్ స్టార్ గా సుడిగాలి సుధీర్(Sudigali Sudheer) చాలా ఫేమస్. మెజీషియన్ గా సినిమాల్లోకి అడుగు పెట్టిన ఇతను ‘జబర్దస్త్’ తో సూపర్ క్రేజ్ సంపాదించుకున్నాడు. సమాంతరంగా మరికొన్ని టీవీ షోలకి హోస్టింగ్ చేసి.. తన పాపులారిటీని మరింతగా పెంచుకున్నాడు. అది ఎంత వరకు అంటే సినిమాల్లో హీరోగా ఛాన్సులు అందుకునే వరకు..! అవును.. హీరోగా ‘సాఫ్ట్ వేర్ సుధీర్’ ‘గాలోడు’ ‘కాలింగ్ సహస్ర’ వంటి సినిమాల్లో హీరోగా నటించాడు సుధీర్.
‘గోట్’ ‘హైలెస్సో’ వంటి సినిమాలు కూడా రిలీజ్ కి రెడీ అవుతున్నాయి. ఇలా ఓ పక్క హీరోగా సినిమాల్లో నటిస్తూనే.. బుల్లితెరపై టీవీ షోలతో కూడా యమ బిజీగా గడుపుతున్నాడు సుధీర్. ఈ విషయాలు పక్కన పెట్టేస్తే.. సుడిగాలి సుధీర్ వయసు ఇప్పుడు 39 ఏళ్ళు. అయినప్పటికీ ఇతను ఇంకా పెళ్లి చేసుకోలేదు. ఇతని తమ్ముడికి కూడా పెళ్లైపోయింది. సో సుధీర్ పెళ్లి ఎప్పుడు చేసుకుంటాడు అనే చర్చ ఎప్పటికప్పుడు జరుగుతూనే ఉంటుంది. యాంకర్ రష్మితో ఇతను ప్రేమలో ఉన్నట్టు చాలా కాలం వార్తలు వచ్చాయి.
కానీ అవి అబద్దం అంటూ వీళ్ళు తోసిపుచ్చడం జరిగింది. తర్వాత విష్ణుప్రియ, వర్షిణి వంటి వారితో కూడా సుధీర్ డేటింగ్లో ఉన్నట్టు ప్రచారం జరిగింది. ‘అవి కూడా అపోహలే’ అంటూ వాటిపై కూడా సుధీర్ క్లారిటీ ఇవ్వడం జరిగింది. ఇదిలా ఉంటే.. సుధీర్ కి ఎంగేజ్మెంట్ అయినట్టు కొన్ని ఫోటోలు ఇప్పుడు వైరల్ అవుతున్నాయి. కానీ వాటిల్లో కూడా నిజం లేదు. ఇవి 10 ఏళ్ళ క్రితం ఫోటోలు. సుధీర్‌కు 2014లో ఎంగేజ్మెంట్ జరిగింది. దానికి ‘జబర్దస్త్’ బ్యాచ్ రాకింగ్ రాకేష్, వంటి కొంతమంది సెలబ్రిటీలు హాజరయ్యారు.
కానీ తర్వాత కొన్ని వ్యక్తిగత కారణాల వల్ల సుధీర్ పెళ్లి క్యాన్సిల్ అయ్యింది. ఆ ఎంగేజ్మెంట్ పెళ్లి వరకు వెళ్ళలేదు. చాలా మందికి ఇది తెలిసిన సంగతే..! అయినప్పటికీ ఈ పాత ఫోటోలు ఇప్పుడు ఎందుకు వైరల్ అయ్యాయనేది ఎవ్వరికీ అర్ధం కావడం లేదు.
బుల్లితెరపై #SudigaliSudheer పెళ్లి గురించి చర్చ జరగడం కొత్తేమీ కాదు. ముఖ్యంగా యాంకర్ #RashmiGautam తో ఆయన కెమిస్ట్రీకి అభిమానుల్లో మంచి క్రేజ్ ఉంది. దీంతో వీరిద్దరూ నిజంగానే ప్రేమలో ఉన్నారంటూ ఎన్నోసార్లు ప్రచారం జరిగింది. అయితే సుధీర్, రష్మి ఇద్దరూ తమ మధ్య ఉన్నది స్నేహమేనని గతంలో పలుమార్లు స్పష్టం చేశారు.
ఇక ఇప్పుడు సుధీర్‌కు సంబంధించిన పాత ఫోటోలు సోషల్ మీడియాలో వైరల్ అవుతుండటంతో.. ఆయనకు 2014లోనే పెళ్లి అయిపోయిందా? అనే ప్రశ్నలు మొదలయ్యాయి.
వైరల్ అవుతున్న ఫోటోల్లో సుధీర్‌తో పాటు జబర్దస్త్‌కు చెందిన కొందరు ఆర్టిస్టులు కూడా కనిపిస్తున్నారు. దీంతో ఆయనకు ఎప్పుడో పెళ్లి జరిగిపోయిందని, ఇన్నేళ్లుగా ఆ విషయాన్ని బయటపెట్టలేదని కొందరు కామెంట్స్ చేస్తున్నారు. కానీ ఈ ఫోటోల వెనుక ఉన్న అసలు విషయం వేరే ఉందనే ప్రచారం ఇప్పుడు ఆసక్తికరంగా మారింది.
వైరల్ అవుతున్న ఫోటోలు సుడిగాలి సుధీర్‌కు 2014లో జరిగిన ఎంగేజ్‌మెంట్‌కు సంబంధించినవిగా చెబుతున్నారు. ఆ సమయంలో జబర్దస్త్ నటుడు రాకింగ్ రాకేష్ సోషల్ మీడియాలో షేర్ చేసిన పాత పోస్ట్ ఇప్పుడు మళ్లీ చర్చలోకి వచ్చింది. ఆ ఫోటోల్లో సుధీర్ పెళ్లి దుస్తుల్లో, మెడలో పూలదండతో కనిపించడంతో చాలామంది ఆయనకు పెళ్లి అయిపోయిందని భావిస్తున్నారు.
అయితే ఆ ప్రచారంలో వాస్తవం లేదని, సుధీర్‌కు ఎంగేజ్మెంట్ జరిగినప్పటికీ పెళ్లి వరకు వెళ్లకుండానే ఆ సంబంధం ముగిసిందని అంటున్నారు. అయితే దీనిపై సుధీర్ నుంచి ప్రస్తుతానికి అధికారికంగా ఎలాంటి వివరణ రాలేదు.
మొత్తానికి పదేళ్ల నాటి ఫోటోలు ఇప్పుడు వైరల్ కావడంతో సుడిగాలి సుధీర్ పెళ్లి వ్యవహారం మరోసారి హాట్ టాపిక్‌గా మారింది.
— TeluguOne (@Theteluguone) October 17, 2026
