Bigg Boss 5 Telugu: బిగ్ బాస్ షోకు అతిపెద్ద సమస్య ఇదే!

September 28, 2021 / 11:25 AM ISTByFilmy Focus

Join Us

Bigg Boss 5 Telugu: బిగ్ బాస్ షోకు అతిపెద్ద సమస్య ఇదే!

బుల్లితెర రియాలిటీ షో బిగ్ బాస్ షో సీజన్ 5 గత మూడు వారాలుగా స్టార్ మా ఛానెల్ లో ప్రసారమవుతున్న సంగతి తెలిసిందే. అయితే బిగ్ బాస్ షోకు సంబంధించిన విషయాలు ముందుగానే లీక్ అవుతుండటంతో ప్రేక్షకులకు షోపై ఆసక్తి క్రమంగా తగ్గుతోంది. నిన్న బిగ్ బాస్ షో నుంచి లహరి షారి ఎలీమినేట్ కాగా శనివారం రాత్రి నుంచి సోషల్ మీడియా, వెబ్ మీడియాలో లహరి షారి ఎలిమినేట్ కానుందంటూ వార్తలు ప్రచారంలోకి వచ్చాయి.

ఈ వారం నామినేషన్ లో నటరాజ్ మాస్టర్, ప్రియ, యానీ మాస్టర్, సన్నీ, లోబో, సిరి, కాజల్ , రవి ఉన్నారు. గత మూడు వారాలుగా ముగ్గురు లేడీ కంటెస్టెంట్లు ఎలిమినేట్ కావడంతో ఈ వారం మేల్ కంటెస్టెంట్ ఎలిమినేట్ అయ్యే అవకాశం ఉందని వార్తలు ప్రచారంలోకి వస్తున్నాయి. బిగ్ బాస్ షోకు సంబంధించిన అన్ని విషయాలు లీకవుతూ ఉండటంతో ప్రేక్షకులకు షోపై క్యూరియాసిటీ తగ్గుతోంది. బిగ్ బాస్ షో సెట్ అన్నపూర్ణ స్టూడియోస్ లో వెయ్యడం వల్ల ఈ విషయాలు లీకవుతూ ఉండటం గమనార్హం.

బిగ్ బాస్ సీజన్ 1 మినహా మిగిలిన అన్ని సీజన్ల విషయంలో ఇదే విధంగా జరుగుతోంది. బిగ్ బాస్ సీజన్ 1 సమయంలో పూణేకు సమీపంలో సెట్ వెయ్యడంతో ఆ సమయంలో సినిమాకు సంబంధించిన విషయాలు లీక్ కాలేదు. బిగ్ బాస్ నిర్వాహకులు ఇకపై లీకుల విషయంలో తగిన జాగ్రత్తలు తీసుకుంటారేమో చూడాల్సి ఉంది.