Jr NTR, Prashanth Neel: ప్రశాంత్ మూవీలో తారక్ రోల్ ఇదేనా..?

May 21, 2021 / 05:08 PM ISTByFilmy Focus

Join Us

Jr NTR, Prashanth Neel: ప్రశాంత్ మూవీలో తారక్ రోల్ ఇదేనా..?

నిన్ను చూడాలని సినిమా నుంచి ఆర్ఆర్ఆర్ సినిమా వరకు జూనియర్ ఎన్టీఆర్ తన సినిమా కెరీర్ లో ఎన్నో విభిన్నమైన పాత్రలను పోషించిన సంగతి తెలిసిందే. కేజీఎఫ్ ఛాప్టర్ 1 సినిమాతో దేశవ్యాప్తంగా గుర్తింపును సంపాదించుకున్న ప్రశాంత్ నీల్ డైరెక్షన్ లో ఎన్టీఆర్ హీరోగా వచ్చే ఏడాది ఒక సినిమా పట్టాలెక్కనుంది. అయితే ఈ సినిమా కథకు సంబంధించి రెండు వార్తలు ఇండస్ట్రీ వర్గాల్లో వైరల్ అవుతున్నాయి. ఒకవైపు ఇండియా పాకిస్తాన్ యుద్ధ నేపథ్యంలో ఈ సినిమా తెరకెక్కనుందని

భారత్ గెలుపు కోసం శ్రమించే జవాన్ పాత్రలో తారక్ నటించనున్నారని ప్రచారం జరుగుతుండగా మరోవైపు మహాభారతంలోని అర్జునుడి పాత్రను స్పూర్తిగా తీసుకొని ఈ సినిమా తెరకెక్కనుందని వినిపిస్తోంది. ప్రశాంత్ నీల్ ఇప్పటికే ఎన్టీఆర్ సినిమాకు సంబంధించిన స్క్రిప్ట్ ను పూర్తి చేశారని సమాచారం. ప్రశాంత్ నీల్ ఎన్టీఆర్ ను వయొలెంట్ గా చూపించబోతున్నారని తెలుస్తోంది. మైత్రీ మూవీ మేకర్స్ బ్యానర్ లో జూనియర్ ఎన్టీఆర్ ఇప్పటికే జనతా గ్యారేజ్ సినిమాలో నటించగా అదే బ్యానర్ లో ప్రశాంత్ నీల్ సినిమా కూడా తెరకెక్కనుంది.

దాదాపు 200 కోట్ల రూపాయల భారీ బడ్జెట్ తో ఈ సినిమా తెరకెక్కుతుండటం గమనార్హం. ఎన్టీఆర్ కు జోడీగా ఈ సినిమాలో బాలీవుడ్ బ్యూటీ నటించే అవకాశాలు ఉన్నాయని తెలుస్తోంది. 2023 సంవత్సరంలో ఈ సినిమా రిలీజయ్యే అవకాశాలు కనిపిస్తున్నాయి. ఎన్టీఆర్ పాన్ ఇండియా సినిమాలు తీసే సత్తా ఉన్న డైరెక్టర్లనే తన సినిమాలకు డైరెక్టర్లుగా ఎంపిక చేసుకుంటూ ఉండటం గమనార్హం.