టాలీవుడ్ సూపర్ స్టార్ మహేష్ బాబు ప్రతిష్టాత్మక చిత్రమైన ‘మహర్షి’ రిలీజ్ కు రెడీ అవుతున్న సంగతి తెలిసిందే. మహేష్ 25 వ చిత్రంగా రూపొందిన ఈ చిత్రాన్ని వంశీ పైడిపల్లి డైరెక్ట్ చేశాడు. ఇక ఈ చిత్రం తరువాత తన 26 వ చిత్రాన్ని అనిల్ రావిపూడి తో చేయబోతున్నాడు మహేష్. ఈ చిత్రాన్ని ’14 రీల్స్ ప్లస్’ బ్యానర్ పై అనిల్ సుంకర, దిల్ రాజు కలిసి నిర్మిస్తున్నారు. ఈ చిత్రాన్ని జూన్ లో మొదలు పెట్టి ఆరు నెలల్లో పూర్తి చేయడానికి అనిల్ రావిపూడి రెడీగా ఉన్నాడట. 2020 సంక్రాంతి కానుకగా ఈ చిత్రాన్ని విడుదల చేయాలని చిత్ర యూనిట్ ప్లాన్ చేస్తుంది.
ఇక ఈ చిత్రం కోసం మంచి స్టార్ క్యాస్ట్ ను ఎంచుకుంటున్నాడు అనిల్. ఇప్పటికే లేడి సూపర్ స్టార్ విజయశాంతి ని ఓ కీలక పాత్ర కోసం తీసుకున్నట్టు టాక్ నడుస్తుంది. ఇక ఈ చిత్రంలో విలన్ పాత్ర కోసం జగపతి బాబు ను తీసుకున్నాడట. గతంలో ‘శ్రీమంతుడు’ చిత్రంలో మహేష్ కు తండ్రిగా నటించాడు జగపతి బాబు. ఇప్పుడు ‘మహర్షి’ చిత్రంలో కూడా ఓ ముఖ్యపాత్ర చేస్తున్నాడు. ఇప్పుడు మహేష్ 26 లో కూడా నటించడానికి రెడీ అయ్యాడని తెలుస్తుంది. మాస్ అండ్ ఫ్యామిలీ ఎంటర్టైనర్ గా ఈ చిత్రం రూపొందనుందని తెలుస్తుంది.
Home