బాబీ దర్శకత్వంలో యంగ్ టైగర్ ఎన్టీఆర్ నటించిన జై లవకుశ చిత్రం గురువారం రిలీజ్ అయి సూపర్ హిట్ టాక్ సొంతం చేసుకుంది. విడుదలైన అన్ని థియేటర్లలో హౌస్ ఫుల్ కలక్షన్స్ తో దూసుకుపోతోంది. ప్రపంచవ్యాప్తంగా తొలిరోజు ఈ మూవీ 32 కోట్లు రాబట్టిన ఈ మూవీ రెండో రోజుతో 60 కోట్లను వసూలు చేసింది. విదేశాల్లోనూ ఎన్టీఆర్ మూవీకి ఆదరణ బాగానే ఉంది. నాన్నకు ప్రేమతో నుంచి అమెరికాలో ఎన్టీఆర్ సినిమాలు బాగా కలక్షన్స్ సాధిస్తున్నాయి. జనతా గ్యారేజ్ లాంగ్ రన్ లో రెండు మిలియన్ డాలర్లు వసూలు చేయగా.. జై లవకుశ రెండు రోజుల్లో వన్ మిలియన్ డాలర్ మార్క్ ని చేరుకొని ట్రేడ్ వర్గాల వారిని ఆశ్చర్య పరిచింది.
ఎన్టీఆర్ జై, లవ, కుశ పాత్రల్లో నట విశ్వ రూపాన్ని చూపించడం సినిమాకి ప్రత్యేక ఆకర్షణగా నిలిచింది. ఎమోషన్ తో నిండిన ఈ సినిమా ఫ్యామిలీ ఆడియన్స్ ని ఆకట్టుకుంటుండడంతో మరో రెండు రోజుల్లో రెండు మిలియన్ డాలర్ మార్క ని సులువుగా రీచ్ అవుతుందని సినీ విశ్లేషకులు భావిస్తున్నారు. అలా జరిగితే ఓవర్ సీస్ లో అత్యధిక కలక్షన్స్ సాధించిన తెలుగు సినిమాల జాబితాలో జై లవకుశ రెండో స్థానాన్ని కైవశం చేసుకోవడం గ్యారంటీ.
Home