ఘట్టం ఏదైనా.. పాత్ర ఏదైనా ఎన్టీయార్ రెడీ..!

ఒక్కోసారి రచయిత-దర్శకుడు రాసుకొనే పాత్ర కొందరికి టైలర్ మేడ్ లా సరిపోతాయి. ఇంకొన్ని పాత్రలు “ఆ హీరో తప్ప మరెవరూ చేయలేరు” అనే స్థాయిలో పెర్ఫార్మెన్స్ తో ఇరగదీస్తుంటారు. ఇప్పుడు అదే పనిలో ఉన్నాడు జూనియర్ ఎన్టీయార్. బాబీ దర్శకత్వంలో తెరకెక్కుతున్న “జై లవకుశ” చిత్రంలో ఎన్టీయార్ ట్రిపుల్ రోల్ ప్లే చేస్తున్న విషయం తెలిసిందే. “లవకుమార్, కుష్” పాత్రలు ఎన్టీయార్ ఇప్పటికీ చాలా సినిమాల్లో చేసేశాడు.

కానీ.. “జై” పాత్ర మాత్రం ఎన్టీయార్ కెరీర్ లోనే తెలుగు సినిమా చరిత్రలో ఎప్పటికీ చిరస్థాయిగా నిలిచిపోయేలా ఉండబోతోందని వినికిడి. నిన్న విడుదలైన ట్రైలర్ లో “జై” క్యారెక్టరైజేషన్ చూసి యావత్ ఇండస్ట్రీ షాక్ అయిపోయింది. ముఖ్యంగా కాస్త నత్తితో ఎన్టీయార్ చెప్పిన డైలాగ్స్ కి చూపించిన వేరియేషన్ కి ఎవ్వరైనా ఫిదా అవ్వాల్సిందే. ఒక్కమాటలో చెప్పాలంటే.. సినిమా రిజల్ట్ తో సంబంధం లేకుండా “జై లవ కుశ”లో ఎన్టీయార్ నట విశ్వరూపం చూసే అరుదైన అవకాశం అభిమానులకు దక్కబోతోందన్నమాట. కేవలం రెండు నిమిషాల ట్రైలర్ తోనే ఎన్టీయార్ ఈ రేంజ్ ఇంపాక్ట్ తీసుకురాగలిగాడంటే.. ఇక సినిమాతో ఏ స్థాయిలో మెప్పిస్తాడనే విషయాన్ని ప్రత్యేకించి చెప్పాల్సిన అవసరం ఏముంది. సో, తెలుగు సినిమా అభిమానులండరు సెప్టెంబర్ 21 ఎప్పుడొస్తుందా, వెండితెరపై తారక్ ను ఎప్పుడు చూద్దామా అని ఎదురుచూస్తూ ఉండాల్సిందే.

Also, do SUBSCRIBE to our YouTube channel to get latest Tollywood updates.