తెలుగు స్టార్‌ హీరోలు సినిమా స్టార్ట్‌ అవుతోంది అంటే.. ఏ సీజన్‌కి వస్తుంది అనే లెక్కలు మొదలుపెట్టుకుంటారు ఫ్యాన్స్‌. దగ్గరలో సంక్రాంతి ఉందా? సమ్మర్‌కి వస్తుందా? దసరాకు తీసుకొస్తారా? దీపావళికి అవకాశం ఉందా? అంటూ అంచనాలు మొదలైపోతాయి. అదే తమిళనాట స్టార్‌ హీరోల సినిమాలు అంటే కచ్చితంగా ఆలోచించే తేదీలు అయితే ఏప్రిల్ 14 లేదంటే దీపావళి. ఇప్పుడు రజనీకాంత్‌ కొత్త సినిమాకు వీటిలోనే ఓ డేట్ ఫిక్స్ అయ్యిందంటున్నారు.
‘బీస్ట్‌’ సినిమాతో ఇటీవల ఇబ్బందికర ఫలితం అందుకున్న నెల్సన్‌ దిలీప్‌ కుమార్‌.. తన నెక్స్ట్‌ సినిమాను రజనీకాంత్‌తో చేస్తున్న విషయం తెలిసిందే. సినిమా షూటింగ్‌ ప్రస్తుతం శరవేగంగా సాగుతోంది. తాజాగా ఈ సినిమా విడుదల తేదీపై చిత్రబృందం ఓ నిర్ణయానికి వచ్చినట్లు తెలుస్తోంది. తమిళ సంవత్సరాది అయిన ఏప్రిల్ 14న సినిమాను ప్రేక్షకుల ముందుకు తీసుకురావాలని చూస్తున్నారట. త్వరలోనే దీనిపై అధికారిక ప్రకటన ఉండే అవకాశం ఉందట. వినోదం, థ్రిల్లింగ్‌ అంశాలు..
ముఖ్యంగా రజనీ అభిమానులు కోరుకునే అన్ని అంశాలతో ‘జైలర్‌’ సినిమా రూపొందుతోందని సమాచారం. ఈ సినిమాలో రమ్యకృష్ణ, శివరాజ్‌కుమార్‌ తదితరులు కీలక పాత్రల్లో నటిస్తున్నారు. అలాగే యువ కథానాయకుడు శివ కార్తికేయన్‌ ఈ సినిమాలో అతిథి పాత్రలో మెరవనున్నాడట. ఏప్రిల్ 14కి రిలీజ్ చేసేందుకుగాను.. 2023 ఆరంభంలోనే సినిమా షూటింగ్‌ మొత్తం పూర్తయ్యేలా చూసుకుంటోందట చిత్రబృందం.‘కోలమావు కోకిల’, ‘డాక్టర్‌’ సినిమాలతో అదరగొట్టిన నెల్సన్‌ దిలీప్‌ కుమార్‌ ‘బీస్ట్‌’తో ఆ మ్యాజిక్‌ చేయలేకపోయాడు.
అలాంటి నెల్సన్‌.. ఇప్పుడు రజనీకాంత్‌ను ఎలా హ్యాండిల్‌ చేస్తారు అనేది ఆసక్తికరంగా మారింది. ఈ సినిమాకు అనిరుధ్‌ సంగీతం అందిస్తున్నారు. మొన్నీమధ్య ‘విక్రమ్‌’తో మాంచి మాస్‌ బీట్స్‌ ఇచ్చి అదరగొట్టారు అనిరుధ్‌. అలాంటి మాస్‌ బీట్‌లు ‘జైలర్‌’లోనూ ఉండాలని ఫ్యాన్స్‌ ఎక్స్‌పెక్ట్‌ చేస్తున్నారు. ఇక ఈ సినిమాకు ప్రముఖ దర్శకుడు కె.ఎస్‌.రవికుమార్‌ స్క్రీన్‌ప్లే ఇస్తున్నారని సమాచారం. మరోవైపు నాలుగేళ్లుగా సరైన విజయం లేకుండా ఉన్న రజనీ.. ఈ సినిమాతో తిరిగి హిట్‌ ట్రాక్‌ ఎక్కాలని ఫ్యాన్స్‌ కోరుకుంటున్నారు.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home