మొండోళ్ల సంఘానికి ప్రెసిడెంట్‌ అంటూ ఎవరైనా ఉన్నా, ఉంటారన్నా ఆ లిస్ట్‌లో పూరి జగన్నాథ్‌ కచ్చితంగా ఉంటారు. ఈ మాట అన్నది మేం కాదు. ఆయనతో పని చేసిన నటులు, ఆయన సన్నిహతులు, సహాధ్యాయిలు. అంతలా తను అనుకున్నది సాధించడానికి పూరి జగన్నాథ్‌ కష్టపడతారు. దీనికి నిదర్శనం ‘ఇస్మార్ట్‌ శంకర్‌’. పూరి పని ఇక అయిపోయింది అని కొంతమంది అనుకున్న తరుణంలో రామ్‌తో ఆ సినిమా తీసి హిట్ కొట్టాడు పూరి. ఇప్పుడు ‘లైగర్‌’ లాంటి సెట్‌ బ్యాక్ తర్వాత ఏం చేస్తాడు అనేది ఆసక్తికరంగా మారింది.
తను నమ్ముకున్నవాళ్లు తనను దూరంగా పెట్టినప్పుడు ఏం చేయాలో పూరికి బాగా తెలుసు. ఇప్పుడు ‘జన గణ మన’/ ‘జేజీఎం’ విషయంలో ఇదే పని చేస్తున్నాడని అంటున్నారు. పూరి జగన్నాథ్‌ కలల ప్రాజెక్ట్‌ అయిన ఈ సినిమా విజయ్‌ దేవరకొండతో కొన్ని నెలల క్రితం మొదలైంది. అయితే ఇప్పుడు ఆ సినిమా లేదు అని అంటున్నారు. ఉంది అనే క్లారిటీ కానీ, లేదు అనే కన్ఫర్మేషన్‌ కానీ ఎవరూ ఇవ్వడం లేదు. అయితే పూరి ఇప్పుడు ఆ కథను బాలీవుడ్‌ తీసుకెళ్తున్నారని అంటున్నారు.
‘లైగర్‌’ సినిమా ప్రచారం సమయంలో పూరి జగన్నాథ్‌ మాట్లాడుతూ బాలీవుడ్‌లో సినిమాలు చేయాలి.. సల్మాన్‌ ఖాన్‌, షారుఖ్‌ ఖాన్‌, రణ్‌వీర్‌ సింగ్‌, రణ్‌బీర్‌ కపూర్‌ లాంటి వాళ్లతో సినిమాలు చేయాలి అన్నారు. ఇప్పుడు వారిలో ఒకరితోనే ‘జేజీఎం’ చేద్దామని అనుకుంటున్నారని టాక్‌ వినిపిస్తోంది. కాస్త టైమ్‌ తీసుకొని వారిని కలసి తన కథను వినిపించాలని అనుకుంటున్నారట. మరి వారి నుండి ఎలాంటి స్పందన వస్తుందో చూడాలి. బలమైన ఫ్లాప్‌ తర్వాత పూరి కమ్‌ బ్యాక్ మామూలుగా ఉండదు. అలాంటి బౌన్స్‌.. బాలీవుడ్‌కి మంచి హిట్ ఇవ్వాలని కోరుకుందాం.
ఇక చిరంజీవితో కూడా ఓ సినిమా చేస్తా అని ఈ మధ్య చిరు సమక్షంలో ప్రకటించారు పూరి జగన్నాథ్‌. రెండు, మూడు నెలల్లో కలసి కథ చెబుతా అని కూడా అన్నారు. ‘ఆటో జానీ’ని పూర్తిగా పక్కన పెట్టేసిన నేపథ్యంలో ఈ సారి పూరి చెప్పే కథ మామూలుగా ఉండదు అని అంటున్నారు.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home