ఓవర్సీస్ లో ఎక్కువ ఆదాయం ఇచ్చిన సినిమా “పెళ్లి చూపులు”

కొరటాల శివ దర్శకత్వంలో యంగ్ టైగర్ ఎన్టీఆర్ నటించిన “జనతా గ్యారేజ్” అనేక విషయాల్లో ది బెస్ట్ అనిపించుకుంది. ఈ మూవీ ఒక విషయంలో మాత్రం “పెళ్లి చూపులు” ఫిల్మ్ వెనుక నిలబడింది. ఆశ్చర్యంగా ఉందా .. అయితే దీనిని పూర్తిగా చదవండి… నెల రోజుల్లో 135 కోట్లను వసూలు చేసిన తారక్ మూవీ కేవలం ఓవర్సీస్ లోనే 12 కోట్లు రాబట్టి రికార్డు సృష్టించింది. తరుణ్ భాస్కర్ దర్శకత్వంలో విజయ దేవర కొండ నటించిన పెళ్లిచూపులు చిత్రం ఓవర్సీస్ లో ఇప్పటివరకు 9 కోట్లు మాత్రమే వసూల్ చేసింది.

అయినా అక్కడి డిస్ట్రిబ్యూటర్లు పెళ్లి చూపులే ఎక్కువ లాభాలని తెచ్చి పెట్టాయని వెల్లడిస్తున్నారు. ఎందుకంటే స్టార్ చిత్రం కాబట్టి జనతా గ్యారేజ్ థియేటర్ హక్కులను యుఎస్ డిస్ట్రిబ్యూటర్లు 7.50 కోట్లు పెట్టి కొనుగోలు చేశారు. అదే పెళ్లి చూపులు అయితే 50 లక్షలు కంటే తక్కువగానే కొన్నట్లు తెలిసింది. దీంతో పెట్టిన పెట్టుబడితో బేరీజు వేస్తె చిన్న చిత్రమే ఎక్కువ లాభాలను తెచ్చిపెట్టింది. సో ఈ విషయంలో జనతా గ్యారేజ్ ని పెళ్లిచూపులు బీట్ చేసింది.