టాలీవుడ్ సెన్సేషనల్ హీరో విజయ్ దేవరకొండకి యూత్ లో ఉన్న ఫాలోయింగ్ గురించి ప్రత్యేకంగా చెప్పనక్కర్లేదు. సౌత్ తో పాటు బాలీవుడ్ లో కూడా అతడికి క్రేజ్ ఏర్పడింది. అక్కడి హీరోయిన్లయితే ఇప్పటికే పలు సార్లు విజయ్ దేవరకొండతో డేటింగ్ చేయాలనుందని పబ్లిక్ గా చెప్పారు. అయితే విజయ్ దేవరకొండ ఒక కమిటెడ్ రిలేషన్షిప్ లో ఉన్నాడని చెబుతోంది హీరోయిన్ జాన్వీ కపూర్. విజయ్ కి పెళ్లి కాకపోయినా.. ప్రాక్టికల్ గా పెళ్లి అయినవాడిగానే పరిగణించాలని చెబుతోంది.
ఇటీవల ఓ ఇంటర్వ్యూలో పాల్గొన్న ఆమెని స్వయంవరం నిర్వహించాల్సి వస్తే ఏ ముగ్గురు హీరోలను కోరుకుంటావని జాన్వీని ప్రశ్నించగా.. రణబీర్ కపూర్, టైగర్ ష్రాఫ్, హృతిక్ రోషన్ అని సమాధానమిచ్చింది. ఆ తరువాత రణబీర్ కి పెళ్లి అయిందని అతడి పేరు కొట్టేసింది. రణబీర్ స్థానంలో ఇంకొకరి పేరు చెప్పాలని ఆమె ఆలోచిస్తుండగా.. విజయ్ దేవరకొండ పేరుని సజెస్ట్ చేశారు యాంకర్. దానికి జాన్వీ.. విజయ్ కి కూడా ఆల్మోస్ట్ పెళ్లి అయిపోయినట్లే కాబట్టి అతడిని కన్సిడర్ చేయలేనని చెప్పింది.
పరోక్షంగా విజయ్ దేవరకొండ, రష్మిక పెళ్లి గురించే ఆమె చెప్పిందని బాలీవుడ్ మీడియా కథనాలను ప్రచురిస్తోంది. విజయ్ దేవరకొండ, రష్మిక కలిసి కొన్ని సినిమాలు చేశారు. సినిమాలో వీరిద్దరి కెమిస్ట్రీ చూసి రిలేషన్ లో ఉన్నారంటూ వార్తలొచ్చాయి. రీసెంట్ గా విజయ్, రష్మిక కలిసి మాల్దీవ్స్ కి వెళ్లడంతో వీరి రిలేషన్ గురించి,
పెళ్లి గురించి ప్రచారం ఊపందుకుంది. ఇప్పుడు జాన్వీకపూర్ ఓ షోలో విజయ్ దేవరకొండ రిలేషన్ గురించి మాట్లాడింది. అంటే విజయ్, రష్మిక ప్రేమలో ఉన్న మాట నిజమేనంటూ చర్చించుకుంటున్నారు నెటిజన్లు.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
