చిన్న సినిమా అయినా… పెద్ద రికార్డులు కొట్టింది..!

‘ఏజెంట్ సాయి శ్రీనివాస్ ఆత్రేయ’ ఫేమ్ న‌వీన్ పోలిశెట్టి హీరోగా ఫ‌రియా అబ్దుల్లా హీరోయిన్‌గా కె.వి.అనుదీప్ డైరెక్షన్లో తెరకెక్కిన చిత్రం ‘జాతి రత్నాలు’ . రాహుల్ రామకృష్ణ‌, ప్రియ‌ద‌ర్శి వంటి స్టార్ కమెడియన్స్ కూడా టైటిల్ రోల్స్ ప్లే చేసిన చిత్రమిది. ‘స్వ‌ప్న సినిమా’ బ్యాన‌ర్ ‌పై నాగ్ అశ్విన్ ఈ చిత్రాన్ని నిర్మిస్తున్నారు. చిన్న సినిమా కదా అని.. మొదట ‘జాతి రత్నాలు’ ని పెద్దగా ఎవ్వరూ పట్టించుకోలేదు. కానీ ఇటీవల విడుదలైన ‘చిట్టి నీ నవ్వుంటే’ అనే పాట చార్ట్ బస్టర్ అవ్వడంతో సినిమా పై హైప్ పెరిగిందనే చెప్పాలి.

రథన్ సంగీతంలో రూపొందిన ఆ పాట యూట్యూబ్లో రికార్డులు సృష్టిస్తుంది. ఇదే క్రమంలో నిన్న ట్రైలర్ ను కూడా విడుదల చేశారు చిత్ర యూనిట్ సభ్యులు. ప్రభాస్ ఈ ట్రైలర్ ను విడుదల చేశారు. 2 నిమిషాల నిడివి గల ఈ ట్రైలర్.. స్టార్టింగ్ నుండీ ఎండింగ్ వరకూ ఫుల్ ఫన్ తో కూడుకుని ఉంది. దాంతో సినిమా ఎప్పుడెప్పుడు చూస్తామా అనే ఆసక్తిని ప్రేక్షకులకు కలుగజేసింది ‘జాతి రత్నాలు’ ట్రైలర్. అంతేకాదు యూట్యూబ్ లో కూడా అసాధారణమైన రికార్డులను నెలకొల్పింది.

తక్కువ సమయంలో అత్యథిక లైకులను సాధించిన టీజర్ గా జాతి రత్నాలు రికార్డు సృష్టించింది. 64 నిమిషాల్లో అంటే 1 గంట 4 నిమిషాల్లోనే 100k లైక్ లను సాధించింది. అంతేకాకుండా 200k లైక్ లను 4 గంటల్లో సాధించి మరో రికార్డ్ ను కూడా సొంతం చేసుకుంది. గతంలో ఈ రికార్డులు కొట్టిన ట్రైలర్లు ప్రభాస్ ‘సాహూ’, చిరు ‘సైరా’, మహేష్ ‘సరిలేరు’ , ఎన్టీఆర్ ‘అరవింద సమేత’ వంటివి కాగా ఇప్పుడు ‘జాతి రత్నాలు’ వంటి చిన్న సినిమా కూడా ఆ లిస్టులో జాయిన్ అవ్వడం విశేషం.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!