ఎన్టీఆర్ వరుస ప్లాపులతో సతమతమవుతున్న టైంలో ‘టెంపర్’ అనే చిత్రం అతనికి లైఫ్ ఇచ్చింది అని చెప్పాలి. ఆ సినిమా దగ్గర్నుండి ఎన్టీఆర్ కు ప్లాపులు లేవు అనడంలో అతిశయోక్తి లేదు. ఆ చిత్రంలో దయ అనే పాత్రలో నట విశ్వరూపం చూపించాడు ఎన్టీఆర్. దర్శకుడు పూరి జగన్నాథ్ ఆ చిత్రాన్ని తెరకెక్కించిన విధానానికి కూడా క్లాప్స్ కొట్టకుండా ఉండలేము. కోర్టు ఎపిసోడ్, ఎయిర్ పోర్ట్ సీన్, పోలీస్ స్టేషన్ ఫైట్ అన్నీ సినిమా అయిపోయాక కూడా ప్రేక్షకులను వెంటాడుతాయి.
వక్కంతం వంశీ ఈ చిత్రానికి కథ అందించగా బండ్ల గణేష్ నిర్మించారు. ఈ చిత్రం గురించి మనకు తెలియని కొన్ని ఆసక్తికరమైన విషయాలను తాజాగా పూరి జగన్నాథ్ శిష్యుడు, డైరెక్టర్ అయిన మెహర్ రమేష్ చెప్పుకొచ్చాడు. నిజానికి టెంపర్ చిత్రాన్ని అతనే డైరెక్ట్ చేయాలని చెప్పి అందరినీ షాక్ కు గురిచేశాడు. ఇటీవల ఓ ఇంటర్వ్యూలో పాల్గొన్న మెహర్ రమేష్ ఈ విషయం పై స్పందించాడు. ‘గతంలో రవితేజతో నేను రెండు సినిమాలు చేయాల్సి ఉంది.
మొదట ఓకె అనుకున్నా.. కానీ తర్వాత ఆయనకు స్క్రిప్ట్ నచ్చక వదిలేశారు. అందులో ‘టెంపర్’ ఒకటి. ‘పవర్’ అనే టైటిల్ తో ఈ చిత్రాన్ని తెరకెక్కించాలి అనుకున్నాను. టైటిల్ పోస్టర్ తో అనౌన్స్ మెంట్ కూడా ఇచ్చాము. ‘షాడో’ తర్వాత చేయాల్సిన మూవీ అది కానీ చేయలేకపోయాను. తర్వాత ‘టెంపర్’ ఎన్టీఆర్ – పూరి చేశారు. ‘పవర్’ టైటిల్ కూడా రవితేజ గారి సినిమాకే పెట్టారు. బాబీ సినిమాకి..!
ఇక మెహర్ రమేష్ తెరకెక్కించిన ‘బిల్లా’ మూవీ అక్టోబర్ 23న రీ రిలీజ్ కానుంది. అలాగే ఆయన చిరంజీవితో తెరకెక్కిస్తున్న ‘భోళా శంకర్’ మూవీ ప్రస్తుతం సెట్స్ పై ఉంది. తమిళంలో అజిత్ హీరోగా రూపొందిన సూపర్ హిట్ మూవీ ‘వేదాలం’ కి ఇది రీమేక్. చిరు సరసన తమన్నా హీరోయిన్ గా నటిస్తుండగా.. కీర్తి సురేష్ చిరుకి చెల్లెలిగా కనిపించనుంది.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
