Devara: ఆ రేంజ్ లో దేవర ప్రమోషన్స్ ఉండాలంటున్న ఫ్యాన్స్.. కానీ?

ఎన్టీఆర్ (Jr NTR) కొరటాల శివ  (Koratala Siva)  కాంబినేషన్ లో తెరకెక్కుతున్న దేవర (Devara) మూవీ రిలీజ్ కు మరో 95 రోజుల సమయం మాత్రమే ఉంది. సెప్టెంబర్ 27వ తేదీన దేవర రికార్డ్ స్థాయి స్కీన్లలో రిలీజ్ కానుంది. కల్కి తర్వాత రిలీజ్ అవుతున్న ఆ స్థాయి సినిమా దేవర అనే సంగతి తెలిసిందే. అయితే దేవర ప్రమోషన్స్ లో వేగం పెరగాలని అభిమానులు కోరుకుంటున్నారు. ఇప్పటివరకు ఈ సినిమా నుంచి టీజర్ రిలీజ్ కాలేదు.

దేవర సినిమా ఫస్ట్ సింగిల్ విడుదలై ఇప్పటికే నెల రోజులైంది. ఈ సినిమా నుంచి సెకండ్ సింగిల్ ఎప్పుడు విడుదలవుతుందనే ప్రశ్నకు సైతం సరైన సమాధానం లేదు. ఇతర భాషల్లో సైతం అంచనాలు పెంచే రేంజ్ లో దేవర ప్రమోషన్స్ ఉండాలని ఫ్యాన్స్ భావిస్తున్నారు. దేవర మాస్ సినిమా అయినప్పటికీ సరికొత్త బ్యాక్ డ్రాప్ లో తెరకెక్కనుండటం ఈ సినిమాకు ప్లస్ అవుతోందని కామెంట్లు వ్యక్తమవుతున్నాయి.

దేవర సినిమాపై హైప్ మరింత పెరగాలంటే జూనియర్ ఎన్టీఆర్ ఇంటర్వ్యూ ఇస్తే బాగుంటుందని ఫ్యాన్స్ ఫీలవుతున్నారు. ఇతర భాషల్లో ఈ సినిమాపై క్రేజ్ పెరగాలంటే భారీ స్థాయిలో ప్రమోషన్స్ అవసరమని ప్రత్యేకంగా చెప్పాల్సిన అవసరం అయితే లేదు. రెండు భాగాలుగా దేవర తెరకెక్కనున్న నేపథ్యంలో దేవర1 ఎండింగ్ ఏ విధంగా ఉండబోతుందో చూడాల్సి ఉంది.

జాన్వీ కపూర్ (Janhvi Kapoor) , సైఫ్ అలీ ఖాన్ (Saif Ali Khan) ఈ సినిమాపై చాలా ఆశలు పెట్టుకున్నారు. ఆ ఆశలను నిజం చేసేలా ఈ సినిమా ఉండబోతుందని కామెంట్లు వ్యక్తమవుతూ ఉండటం గమనార్హం. దేవర సినిమాలో ప్రేక్షకులు కోరుకునే అన్ని అంశాలు ఉంటాయని జక్కన్న (Rajamouli)  సెంటిమెంట్ ను బ్రేక్ చేయడంతో పాటు కొరటాల శివ అభిమానులు కోరుకునే కంబ్యాక్ హిట్ గా దేవర నిలుస్తుందని అభిప్రాయాలు వ్యక్తమవుతున్నాయి. దేవర ఫ్యాన్ మేడ్ పోస్టర్స్ సైతం నెట్టింట వైరల్ అవుతున్నాయి.