Devara: దేవర రివ్యూ అంటూ వీడియోలు వైరల్.. తారక్ ఫ్యాన్స్ ఏమన్నారంటే?

అన్నీ అనుకున్న విధంగా జరిగి ఉంటే ఏప్రిల్ నెల 5వ తేదీన దేవర (Devara) సినిమా రిలీజ్ కావాల్సి ఉంది. దేవర మూవీ రిలీజ్ అవుతుందనుకుంటే దేవరకొండ మూవీ రిలీజ్ అయిందంటూ ఫ్యాన్స్ సోషల్ మీడియా వేదికగా కామెంట్లు చేస్తున్నారు. వరుసగా పండుగలు ఉన్న నేపథ్యంలో దేవర సినిమా రిలీజై ఉంటే కలెక్షన్లు భారీ స్థాయిలో ఉండేవని చెప్పవచ్చు. అయితే దేవర రివ్యూ అంటూ కొన్ని వీడియోలు, పోస్ట్ లు సోషల్ మీడియా వేదికగా వైరల్ అవుతున్నాయి.

దేవర రివ్యూ అంటూ వైరల్ అయిన వార్తలపై ఫ్యాన్స్ ఫైర్ అవుతున్నారు. సినిమా ఆలస్యమైందని మేము బాధ పడుతుంటే ఈ టార్చర్ ఏంటి మాకు అంటూ అభిమానులు కామెంట్లు చేస్తున్నారు. సోలో హీరోగా ఎన్టీఆర్ (Jr NTR) సినిమా విడుదలై ఆరేళ్లు అయిందని ఎన్టీఆర్ ఫ్యాన్స్ చెబుతున్నారు. ఆర్.ఆర్ ఆర్ (RRR) బ్లాక్ బస్టర్ హిట్ గా నిలిచినా ఆ సినిమా మల్టీస్టారర్ కావడంతో తారక్ సోలో హీరోగా సంచలనాలు సృష్టించాలని ఫ్యాన్స్ ఫీలవుతున్నారు.

ఏప్రిల్ 5వ తేదీన దేవర సినిమాకు సంబంధించి ఏదైనా అప్ డేట్ అయినా ఇచ్చి ఉంటే బాగుండేదని ఫ్యాన్స్ భావించగా ఈ సినిమా నుంచి ఎలాంటి అప్ డేట్ రాలేదు. దేవర సినిమా మాస్ ప్రేక్షకులకు నచ్చేలా ఉండనుందని సమాచారం అందుతోంది. దేవర సినిమా రెండు భాగాలుగా తెరకెక్కుతుండటంతో ఫస్ట్ పార్ట్ లో ఎలాంటి ట్విస్టులు ఉంటాయో చూడాల్సి ఉంది.

చాలా సంవత్సరాల తర్వాత తారక్ డ్యూయల్ రోల్ లో నటించడం ఈ సినిమాకు మరో ప్లస్ పాయింట్ అని చెప్పవచ్చు. దేవర, వర అనే పాత్రలలో తారక్ ఈ సినిమాలో కనిపించనున్నారని సమాచారం అందుతోంది. కొరటాల శివ (Koratala Shiva) ఈ సినిమా కోసం ఎంతో కష్టపడుతున్నారని తెలుస్తోంది. ఆచార్య సినిమా ఫ్లాప్ ను మరిపించి ఇండస్ట్రీ హిట్ అయ్యే విధంగా ఈ సినిమా ఉండబోతుందని కామెంట్లు వ్యక్తమవుతున్నాయి.